El Mundo Today ye un diariu satíricu en llinia publicáu n'España, foi creáu en xineru de 2009.[1] La páxina adopta l'estilu de la prensa en llinia anque'l conteníu de la publicación ye totalmente ficticiu y humorísticu, usando esti formatu contestualizáu de prensa tradicional pa crear la parodia y sátira.
| El Mundo Today | |
|---|---|
 | |
| Datos | |
| Tipu | periódicu en llinia |
| Fundación | xineru de 2009 |
| Idioma | castellanu |
| Estáu |
 España |
| Sede | Barcelona |
| Data de publicación | xineru de 2009 |
| Fundador | Kike García y Xavi Puig |
| Propietariu | Kike García y Xavi Puig |
| Tema principal | Humor y Sátira |
| Páxina web | elmundotoday.com |
 | |
L'ésitu del portal humorísticu dexó la so espansión en forma de collaboraciones na prensa escrita, na radio, el teatru y na televisión.
Historia
El proyeutu, creáu, escritu y empobináu por Xavi Puig y Kike García,[2] surdió de la idea y necesidá de vender un programa de televisión col formatu de noticiariu, pero de conteníu humorísticu. Pa sofitar el so proyeutu, crearon El Mundo Today pero la web espandióse rápidamente, ganando entidá y creciendo como un proyeutu fixu de forma independiente.
Radio
En setiembre de 2010, El Mundo Today empecipia la so collaboración con Prisa Radio con falsos boletinos informativos selmanales nel programa Lo que es hoy de la Cadena SER y n'Atrévete, de Cadena Dial. N'ochobre de 2011, la collaboración con Cadena Dial pasa a M80 Radio, nel programa mañaneru Morning 80, y va caltenese hasta xunetu de 2012.
En setiembre de 2012, la collaboración con Lo que es hoy pasa al programa La Ventana, coincidiendo con una importante reestructuración de la parrilla de programación de la cadena.
Dende setiembre de 2011 hasta mayu de 2013, El Mundo Today tuvo un programa propiu na Cadena SER, que s'emitió los sábados a les 15:30.
Pa les collaboraciones radiofóniques y televisives, Xavi Puig y Kike García cunten col presentador Juanra Bonet. Nel programa selmanal, incorporáronse como collaboradores Gabriel Salvadó, Francesc Orteu, Fernando Costilla y Biel Perelló. Esti postreru tamién collabora como autor y como actor na obra teatral de El Mundo Today.
Dende 2014, Xavi Puig y Kike García collaboren selmanalmente en A vivir que son dos días con una seición qu'entemez l'humor d'El Mundo Today cola divulgación filosófica.
Dende setiembre de 2015 a xunu de 2017, El Mundo Today presentó, xunto al artista Xoel López mientres la primer temporada y Maika Makovski na segunda, el programa de música y humor Oh! My LOL SON Estrella Galicia, que s'emitía la madrugada de los sábados na Cadena SER. El programa tamién cuntó cola collaboración de David Bizarro y Fernando Costiella.
Prensa escrita
En mayu de 2012 y mientres un añu, el suplementu d'ociu On Madrid d'El País encargó a El Mundo Today la última páxina de la revista onde s'ufiertaben selmanalmente reseñes de falsos llocales y asonsañábense les revistes d'ociu y enclinos. La seición terminó cola desapaición del suplementu.
N'abril de 2016, el diariu El País incorpora a El Mundo Today como collaborador fixu nel so suplementu dominical, El País Semanal, encargándo-y la seición d'humor.
En setiembre de 2016, el diariu El Periódico incorpora a El Mundo Today como collaborador fixu nel so suplementu d'ociu, On Barcelona.
Televisión
Produció dolce falsos boletinos de noticies pa la productora El Terrat, que se publicaron n'ElTerrat.tv y en YouTube . La mesma productora encarga a El Mundo Today en 2009 una seición nel programa de les campanaes de fin d'añu de LaSexta, tituláu Cómo superar el Fin de Año y presentáu por Berto Romero y Ana Morgade. En diches collaboraciones audiovisuales, Xavi Puig y Kike García cunten con Javi Gordón y Pablo Bujosa nel equipu, y cola presentadora Laura Duran.
En 2015, El Mundo Today inaugura seición propia nel late night de LaSexta El último mono. Trátase de boletinos informativos presentaos por Juanra Bonet.
Dende xunu de 2015, El Mundo Today produz dos boletinos selmanales en videu p'Atresmedia presentaos por Nikki García baxo la marca El Mundo Today 24 Horas.
Dende setiembre de 2018, el programa APM? (Alguna pregunta més) incorpora la edición catalana d'El Mundo Today llamada El Mundo Today.cat presentáu por Alba Carreras.
Teatru
En marzu de 2015, El Mundo Today estrena'l so propiu noticiariu en vivo nos Cines Maldà de Barcelona. Sobro l'escenariu tán Juanra Bonet, Xavi Puig, Kike García y Biel Perelló.
Adautando la estructura del informativu satíricu en vivu, El Mundo Today presentó dos gales de los Premios de la Música Independiente (Premios MIN) qu'entama la Unión Fonográfica Independiente (UFI).
En payares de 2016, El Mundo Today participa na gala de los Premios Ondes con trés boletinos de noticies en vivu.
Polémiques
El calter satíricu y paródico de les noticies fizo que, en dellos casos, los aludíos nes mesmes pidieren que fueren retiraes, por falses, al nun dase cuenta del conteníu humorísticu de la páxina.[3]
El Mundo Today llogró una gran repercusión mediática dempués de que la canal colombiana de noticies NTN24 diera por cierta una de les sos informaciones satíriques, llegando inclusive a coneutar en directu col so corresponsal en Madrid.[4]
Tamién foron sonaes les amenaces recibíes per parte de la presentadora Mariló Montero, el cantante Pitingo o inclusive'l Conceyu de Teruel por artículos humorísticos nos que se-yos mentaba.
Na recta final de les Eleiciones Xenerales de 2016, a cinco díes de los comicios, el Partíu Popular amenació tamién con demandar a El Mundo Today si nun zarraba la web rajoypresidente.es. La páxina se publicó al pie d'otres parodies qu'El Mundo Today ellaboró, basaes toes elles nos principales partíos políticos.[5]
Llogros
Premio Bitácoras 2010 al meyor blogue d'humor n'España.
Premio Bitácoras 2011 al meyor blogue d'humor n'España.
Premios INTRAS 2015 na categoría de Comunicación.
Premiu Blasillo de Huesca 2016 al inxeniu español n'Internet, otorgáu pol XVIII Congresu de Periodismu Dixital.
Enllaces esternos
Wikimedia Commons acueye conteníu multimedia sobre El Mundo Today.
Referencies
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
