Dylan Baker

Dylan Baker (7 d'ochobre de 1959, Syracuse) ye un actor de televisión, actor de teatru, actor de cine, direutor de cine y actor d'Estaos Xuníos.

Dylan Baker
Vida
Nacimientu	Syracuse[1], 7 d'ochobre de 1959[2] (65 años)
Nacionalidá	Estaos Xuníos
Residencia	Nueva York
Llingua materna	inglés
Familia
Casáu con	Becky Ann Baker (1990 – )
Estudios
Estudios	The College of William and Mary (es) Georgetown Preparatory School (en) Holy Cross Regional Catholic School (Lynchburg, Virginia) (en) Darlington School (en) Yale Institutu de Teunoloxía de Xeoxia Universidá Metodista del Sur Yale School of Drama
Llingües falaes	inglés
Oficiu
Oficiu	actor de televisión, actor de teatru, actor de cine, direutor de cine, actor
Premios	ver Theatre World Award  (1989) [3]
Nominaciones	ver Premiu Tony al meyor actor de repartu nuna obra de teatru (1991)
Creencies
Partíu políticu	Partíu Demócrata
IMDb	nm0048414

Primeros años

Baker nació en Syracuse, Nueva York, primero que la so familia camudase a Lynchburg, Virxinia, onde nacieron los sos trés hermanos mayores. Empezó la so carrera d'adolescente en producciones teatrales llocales. Asistió a la escuela católica Holy Cross Regional, más tarde asistió a la Darlington School y finalmente graduóse na escuela preparatoria Georgetown, en 1976. Asistió a The College of William and Mary de Virxinia y depués graduóse na Universidá Southern Methodist, en 1980. Más tarde recibió un títulu en belles artes de la escuela d'actuación de Yale, onde estudió xunto a Chris Noth y Patricia Clarkson.^[4]

Carrera

Baker trabayó en teatros de Broadway n'obres como Eastern Standard, La Bête, Mauritius y God of Carnage. En 1986 ganó un premiu Obie pola so actuación na obra off-Broadway Not About Heroes.^[4] Al añu siguiente debutó nel cine, na comedia Planes, Trains and Automobiles (1987).^[4][5]

El so primer papel habitual en televisión foi na serie Murder One, de Steven Bochco. De magar, trabayó en series como Law & Order: Criminal Intent y la sitcom The Pitts.

En 1998 recibió atención per parte de la crítica pola so interpretación d'un acoradáu pedófilu en Happiness, de Todd Solondz.
Otru de los papeles que-y dieron a conocer pal gran públicu foi'l del Dr. Curt Conners en Spider-Man 2 y Spider-Man 3.

En 2010, Baker interpretó a Hollis B. Chenery en Secretariat. Tamién apaeció como estrella convidada nel episodiu 7 de la séptima temporada de House M. D..

Dende 2010 interpreta a Colin Sweeney, un personaxe secundariu de la serie The Good Wife.

Vida privada

En 1990 casóse cola actriz Becky Gelke, conocida profesionalmente como Becky Ann Baker. Tienen una fía, Willa, y viven en Nueva York.