Danielle Brooks

Danielle Brooks (17 de setiembre de 1989, Augusta) ye una actriz d'Estaos Xuníos conocida pol so papel como Tasha "Taystee" Jefferson na serie Orange Is the New Black.

Danielle Brooks
Vida
Nacimientu	Augusta, 17 de setiembre de 1989[1] (35 años)
Nacionalidá	Estaos Xuníos
Llingua materna	inglés
Estudios
Estudios	Juilliard School South Carolina Governor's School for the Arts & Humanities (en)
Llingües falaes	inglés
Oficiu
Oficiu	actriz
Premios	ver Theatre World Award  (2016) [2]
Nominaciones	ver Premiu Tony a la meyor actriz de repartu nun musical (2016) Óscar a la meyor actriz de repartu (2024): El color púrpura (es) [3]
IMDb	nm5335029

Primeros años

Creció en Greenville, Carolina del Sur nel senu d'una familia cristiana; el so padre yera diáconu y la so madre ministru.^[4] Empezó na actuación con seis años d'edá, nuna obra navidiega que se representó na so ilesia.^[5] Pa completar la so educación secundaria, asistió al South Carolina Governor's School for the Arts & Humanities, una escuela d'artes escéniques.^[4] Estudió teatru na escuela Juilliard onde se graduó nel 2011.^[6]

Carrera

Depués de graduase de Juilliard, Brooks llogró roles en dos producciones teatrales: Servant of Two Masters y Blacken the Bubble. Abandonó dambes producciones nel 2013 pa integrar el repartu de la serie Orange Is the New Black, producida por Netflix, col personaxe de Tasha "Taystee" Jefferson.^[6] El so personaxe orixinalmente participaría por namái dos episodios, pero terminó siendo un personaxe estable.^[6][7] La meyor amiga de Taystee nel programa ye interpretada por Samira Wiley, con quien Brooks ye amiga desque estudiaben en Juilliard.^[8] La so actuación en Orange Is the New Black foi bien recibida pola crítica.^[9][4]

En setiembre del 2013, anuncióse que va participar d'un episodiu de la serie de HBO Girls, siendo la primer muyer negra en participar d'esi show.^[7]

Filmografía

Cine

Añu	Títulu	Rol	Notes
2014	Time Out of Mind	Recepcionista
2015	I Dream Too Much	Abbey

Televisión

Añu	Títulu	Rol	Notes
2014	Girls	Laura	Temporada 3, episodiu 1
2013-presente	Orange Is the New Black	Tasha 'Taystee' Jefferson
2013	Black Girls Rock! 2013	Herself	Película de televisión
2012	Modern Love	Raimy