Cynthia Rhodes

Cynthia Rhodes (21 de payares de 1956, Nashville) ye una actriz, cantante y baillarina d'Estaos Xuníos.

Cynthia Rhodes
Vida
Nacimientu	Nashville, 21 de payares de 1956[1] (68 años)
Nacionalidá	Estaos Xuníos
Familia
Casada con	Arthur B. Carles (es) Richard Marx (1989 – 2014)
Estudios
Estudios	Glencliff High School (en)
Oficiu
Oficiu	cantante, baillarina, actriz de cine
Instrumentu musical	voz
IMDb	nm0722407

Carrera

Rhodes empezó la so carrera trabayando nel Opryland USA como cantante y baillarina mientres estudiaba en Glencliff High School en Nashville mientres los años 1970. En 1983, actuó na película Flashdance, protagonizada por Jennifer Beals y Michael Nouri; esi mesmu añu protagonizó la película Staying Alive xunto a John Travolta. En 1984, protagonizó Runaway xunto a Tom Selleck, Gene Simmons y Kirstie Alley. En 1987, protagonizó xunto a Patrick Swayze y Jennifer Grey la película Dirty Dancing. En 1991, protagonizó la película Curse of the Crystal Eye, siendo esta la so última película yá que decidió dexar la so carrera pa dedicase a ser madre de tiempu completu.

Rhodes apaeció como baillarina en dellos videos musicales como "Rossana" de la banda Toto, "Woman In You" de los Bee Gees, y "Don't Mean Nothing" de Richard Marx. Tamién foi baillarina de la banda de rock The Tubes a empiezos de los años 1980. Rhodes dempués xunióse al grupu pop ochentero Animotion, reemplazando a la vocalista Astrid Plane, con ella grabaron el so tercer y últimu álbum. El senciellu del grupu "Room to Move" llegó al númberu #9 de les llistes de Billboard, el discu nun llegó a tener ésitu como los primeres del grupu, algamando solamente a lo más el pueso #110 nes llistes pop, y pocu dempués, el grupu de desintegró. En 2002, Rhodes co-escribió'l cantar jazz "Perfect Day" al pie del so maríu Richard Marx pa December, l'álbum navidiegu del trompetista Chris Botti.

Vida personal

En 1989 casóse col cantante y compositor Richard Marx. Col cual tien tres fíos: Brandon Caleb Marx que nació en 1990, Lucas Marx que nació en 1992 y Jesse Marx que nació en 1994.

Filmografía

Películes

• Curse of the Crystal Eye (1991) .... Vickie Phillips
• Dirty Dancing (1987) .... Penny Johnson
• Flying (1986)
• Runaway (1984) .... Oficial Karen Thompson
• Staying Alive (1983) .... Jackie
• Flashdance (1983) .... Tina Tech

Series de televisión

• Fantasy Island .... Merlise (1 episodiu: Goin' on Home/Ambitious Lady, 1984)