Chanel Terrero

Chanel Terrero Martínez (28 de xunetu de 1991, L'Habana), conocida como Chanel Terrero o a cencielles Chanel, ye una actriz, cantante y baillarina cubanu-española. L'artista ye reconocida por haber participáu en numberosos musicales n'España y series de televisión, amás de por ser la representante española del Festival del Cantar d'Eurovisión 2022 col cantar SloMo.

Chanel Terrero
Vida
Nacimientu	L'Habana[1], 28 de xunetu de 1991[2] (33 años)
Nacionalidá	Cuba España [3]
Residencia	Madrid
Llingua materna	castellanu
Estudios
Llingües falaes	catalán castellanu inglés
Oficiu
Oficiu	actriz, cantante, baillarina
Participante primera semifinal del Benidorm Fest 2022 (es) (1.) final del Benidorm Fest 2022 (es) (1.) Festival del Cantar d'Eurovisión 2022 (3.)
Trabayos destacaos	SloMo (es)
Premios	ver Micrófono de bronce  : Benidorm Fest  (2022) [4]
Seudónimos	Chanel[5]
Xéneru artísticu	pop llatín
Discográfica	Sony Music España (es)
IMDb	nm4775940

Biografía

Entamos

Nacida na capital cubana, con trés años la so familia treslladase a España, instalándose en Olesa de Montserrat (Barcelona), onde se crió.^[6] Dende los nueve años, recibió clases de cantar y actuación, y clases de ballet según el sistema de la Royal Academy Of Dancie.^[7] Los sos estudios de danza inclúin aprendizaxe con figures del baille como Victor Ullate, Coco Comín o Gloria Gella. A los dieciséis años empezaba a dar los sos primeros pasos nel mundu del teatru musical.^[8]

2010-2020: MTV Europe Music Awards y musicales

Chanel múdase a Madrid para empezar la so carrera como actriz. Diose a conocer a lo llargo de la década del 2010 participando en distintos musicales, destacando dalgunos bien reconocíos como Mamma Mia!, Flashdance, El guardaespaldas y El rey león.^[9]

La so carrera cunta con numberoses actuaciones na pequeña y la gran pantalla a nivel nacional ya internacional.^[10][11][12] En 2015 participa n'El rey de La Habana d'Agustí Villaronga.^[13]

Como baillarina collaboró con distintes artistes. En 2010, bailló con Shakira na actuación de la cantante colombiana nos MTV Europe Music Awards.^[14]

Formó parte del cuerpu de baille del popular programa Tu cara me suena d'Antena 3.^[15][16]

2021-2022: Candidatura d'España a Eurovisión 2022

Presentose a los castings pal musical West Side Story n'España quedando ente los trés finalistes pal personaxe de Anita.^[17] Tamién quedó ente los cinco finalistes pal mesmu personaxe na nueva versión cinematográfica de West Side Story, dirixida por Steven Spielberg, pa lo cual allegó a Nueva York a un casting énte'l director.^[18]

Participó nel Benidorm Fest 2022, eventu celebráu para escoyer la candidatura representante d'España nel Festival del Cantar d'Eurovisión, cola tema SloMo. La coreografía qu'acompañó a la tema mientres el Benidorm Fest foi realizada por Kyle Hanagami, coreógrafu de Jennifer López, Britney Spears y Blackpink ente otres, sofitando la fuerza del cantar.^[19] En faciéndose col primer puestu na primer semifinal el 26 de xineru de 2022, llogró'l mayor númberu de puntos del xuráu na final del 29 de xineru, y el segundu puestu na votación popular, convirtiéndose na representante española d'Eurovisión en Turín (Italia).^[20][21] El bon ambiente de los artistes participantes nel festival de Benidorm amosase col sofitu posterior qu'amosaron a la ganadora.^[22][23] En febreru de 2022, graba en Madrid el videoclip de SloMo, dirixíu por Pawla Casanova.^[24] Tamién se tresllada a Miami pa grabar la so próxima tema.^[25] El 14 de marzu de 2022, estrenóse'l videoclip oficial del cantar participante nel festival d'Eurovisión 2022.

Actuó na Gran Final del festival el 14 de mayu y obtuvo'l tercer puestu con 459 votos (231 del xuráu y 228 del televotu), polo que batió'l récord de puntos d'España nel certame y algamó la meyor posición del país dende la edición de 1995. Además, batió otru récord históricu consiguiendo 8 "twelve points".​ Pa celebrar el resultáu, Chanel participó'l día siguiente nun conciertu na plaza Mayor de Madrid, enmarcáu nes fiestes de San Isidro 2022.

Teatru y musicales

Participó en distintes representaciones musicales, convirtiéndose nunu de los nomes más importantes del xéneru n'España:^[26][27]

• Malinche (papel protagonista). 2021-2022^[28]
• Fiebre Hamilton. (Musical homenaxe a Lin Manuel Miranda en Madrid).
• El guardaespaldas. (Protagonista: Rachel Marron).^[29]
• Flashdance. (Actriz/cantante protagonista en Barcelona y posterior xira).
• Nine (Actriz/cantante protagonista).
• El rey león (Teatru Lope de Vega de Madrid).
• Mamma Mia! (Actriz, cantante y baillarina).
• Lío Ibiza (Espectáculu Cabaré: cantante, baillarina y actriz).
• El Gran Libro Mágico (Musical infantil: actriz/cantante protagonista).
• Show “Starlite Marbella”. (Cantante principal).
• Delizia (Espectáculu de cabaré: cantante, baillarina y actriz).
• La ratita presumida, centro estético (Musical infantil: actriz protagonista).
• El lobo y las 7 cabritas (Musical infantil: actriz protagonista).
• Tarzán (Musical infantil: cantante y baillarina).
• Mortadelo y Filemón (Baillarina y actriz).

Filmografía

Cine

Añu	Títulu	Personaxe	Director	Notes
2011	Fuga de cerebros 2	Extra	Carlos Therón	Llargumetraxe
2015	El rey de La Habana	Yamilé	Agustí Villaronga	Llargumetraxe
2018	L'últimu iviernu	Profesora	Julio de la Fonte	Llargumetraxe
2019	La llorona	Inés	Ismael Olivares	Curtiumetraxe

Televisión

Añu	Títulu	Cadena	Rol	Notes
2011	Águila Roja	TVE	Guerrera	1 episodiu
2011 - 2013	Tu cara me suena	Antena 3	Ella mesma	Baillarina (Temporada 1-Temporada 2)
2014	B&b, de boca en boca	Telecinco	Sira Llindu	1 episodiu
2015	Los nuestros		Gloria	2 episodios
2015 - 2016	Gym Tony	Cuatro	Deisy	236 episodios
2017	La peluquería	TVE	Lupe	238 episodios
2017 - 2018	Centro médico		Gloria	1 episodiu
	Centro médico		Carolina
	2018	iFamily	Isa	8 episodios
	El secreto de Puente Viejo	Antena 3	Lucía Torres	62 episodios
	Perdóname, Señor	Telecinco	Sibebi	4 episodios
2018	Cupido	Playz	Venus	6 episodios
	El Continental	TVE	Julieta	10 episodios
	Wake Up	Playz	Deborah[30]	6 episodios
2020	The Paradise	YLE	Limón	2 episodios
2021	Convecinos	Movistar Plus+	Isla	3 episodios
2022 - presente	El inmortal			¿? episodios
2022	Benidorm Fest 2022	TVE	Ella mesma	Participante - Ganadora
	Festival del Cantar d'Eurovisión 2022			Representante d'España

Videoclips

SloMo, dirigido por Pawla Casanova (2022).

Discografía

Añu	Títulu	Llistes	Certificaciones	Álbum
		SPA
2021	«SloMo»	13		―

Premios y nominaciones

Añu	Eventu	Premiu	Resultáu
2022	Benidorm Fest	Micrófonu de bronce (representante de España en Eurovisión 2022)	Ganaora
	Festival de la Canción d'Eurovisión	Micrófonu de cristal del Festival de Eurovisión 2022	Candidata