Celeus flavus

Celeus flavus^[2] ye una especie d'ave piciforme de la familia Picidae que vive en Suramérica.

Celeus flavus
Estáu de caltenimientu
Esmolición menor (IUCN 3.1)[1]
Clasificación científica
Reinu:	Animalia
Filu:	Chordata
Clas:	Aves
Orde:	Piciformes
Familia:	Picidae
Xéneru:	Celeus
Especie:	C. flavus (Statius Muller, 1776)
Distribución
Consultes
[editar datos en Wikidata]

Descripción

Mide unos 25 centímetros de llargu. La so cabeza y tol so cuerpu son mariellos sacante les ales y cola que son de color pardu. Los machos tienen aniellos oculares escuros y presenten una pequeña mancha colorada na mexella. Na cabeza tien un moñu de plumes que siempres ta esplegáu. El so picu tamién ye mariellu pero les sos pates son abuxaes.

Distribución

Alcuéntrase en Bolivia, Brasil, Colombia, Ecuador, la Guayana francesa, Guyana, Perú, Surinam y Venezuela.^[1]

Taxonomía

Esta especie describióse científicamente pol zoólogu alemán Philipp Ludwig Statius Muller en 1776.

Reconócense cuatro subespecies:^[3]

• Celeus flavus flavus (Muller, 1776) - en Colombia, Venezuela, les Guyanas, Ecuador, oeste de Brasil y Bolivia.
• Celeus flavus peruvianus (Cory, 1919) - nel este de Perú.
• Celeus flavus subflavus (Sclater y Salvin, 1877) - nordeste de Brasil.
• Celeus flavus tectricialis (Hellmayr, 1922) - este y sur de Brasil.

Alimentación

El carpinteru mariellu aliméntase principalmente de formigues, anque amás puede comer otros inseutos y dellos frutos.