Los cereales[1] son un conxuntu de plantes yerbácees que los sos granos o semientes empléguense pa l'alimentación humana o del ganáu, xeneralmente mazaos al mou de fariña. La pallabra cereal remanez de Ceres, el nome en llatín de la diosa de l'Agricultura.
| Cereal | ||
|---|---|---|
 | ||
| Nome | Cereal | |
| Detalles | ||
| Productu natural de | Gramínea | |
| Más información | ||
| [editar datos en Wikidata] | ||
Cadarma d'un cereal
- Casulla: caxina o carpeza más esterior de toes y daqué dura que protexe la semiente. Ta ensamada de frebes vexetales.
- Endospermu: cadarma fariñosa qu'arrodia al xermen y que-y apurre los nutriente afayaízos pal so desendolcu.
- Testa: capa esterior llaminar qu'endolca al granu y proporciona nutrientes y vitamines.
- Xermen o embrión: allúgase nel centru de la semiente, dende la que se desendolca la nueva planta.
Historia de los cereales
Los cereales tan consideraos como la base de les grandes civilizaciones darréu que afitaron una de les primeres actividaes agrícoles humanes, forxando una mena d'alimentación constante alrodiu de la que l'actividá humana podía tresnase y axeitase, de tala mena que les cultures europees criáronse alrodiu del trigu, les civilizaciones del estremu oriente alrodiu del arroz y les d'américa cultivaren maíz.
Los astures facíen pan (panificaben) con seis cereales, tres nel branu y tres nel iviernu. Los tres de branu son: maíz, miyu, y panizu y los tres d'iviernu: escanda, trigu y centén.
Composición de los cereales
Los cereales caltienen almidón que ye'l componente principal de los alimentos humanos. El xermen de la semiente caltién llípidos en proporción cimbrable que permite la estrayedura d'aceite vexetal de dellos vexetales. La semiente ta arrodiada d'una casulla ensamada sobro tou por celulosa, componente importante de la freba dietética. Dalgunos cereales caltienen una proteína, el gluten, indispensable para que se forme el pan. Les proteínes de los cereales son probes n'aminoácidos esenciales como la lisina.
Especies
Les especies que cueyen dientro d'esta categoría agronómica pertenecen na so mayoría a la familia Poaceae (gramínees), que'l so frutu ye insepartable de la semiente; sicasí tamién s'inclúi plantes con semientes semeyaes a granos que son d'otres families, como la quinoa, l'alforxón (o Trigu oriáu), el beldu, el huauzontle o'l mirasol. Dalgunos autores denomen a estes caberes especies falsos cereales o pseudocereales.
Les principales especies son:
Referencies
Enllaces esternos
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
