actriz australiana From Wikipedia, the free encyclopedia
Catherine Élise Blanchett (pronunciación según AFI: /ˈkæθrɪn yˈliz ˈblɑːntʃət/; Melbourne, 14 de mayu de 1969, Melbourne), más conocida como Cate Blanchett, ye una actriz de cine y teatru australiana. Ye una de les poques actrices que ganaron los cuatro premios más importantes del cine: tres premios del Sindicatu d'Actores de Cine (SAG), tres premios Globos d'Oru, tres premios de l'Academia Británica de les Artes Cinematográfiques y de la Televisión (BAFTA), dos Premiu Óscar d'un total de seis nominaciones; y una estrella nel Paséu de la Fama de Hollywood.
Empezó la so carrera nes tables a principios de la década de los noventa y debutó nel cine na película Parklands en 1994. Llamó l'atención de la crítica internacional en 1998 cola so destacada encarnación d'Isabel I en Elizabeth, papel que-y dio diverses distinciones y reconocencies, tales como: un BAFTA, un Globu d'Oru y la so primer nominación al Premiu Óscar. Ente 2001 y 2003 participó na triloxía cinematográfica de Peter Jackson basada n'El Señor de los Aniellos del autor británicu J. R. R. Tolkien, como la elfa Galadriel, repitiendo este mesmu papel nes trés películes basaes n'El Hobbit.
En 2004, participó na cinta de Martin Scorsese, L'aviador, interpretando a Katharine Hepburn; por dichu papel, fecho col aplausu de la crítica y col Óscar a la Meyor actriz de repartu. Otros títulos como Babel (2006), Diariu d'un escándalu (2006), Indiana Jones and the Kingdom of the Crystal Skull (2008), The Curious Case of Benjamin Button (2008), y Blue Jasmine (2013), pola que ganó l'Óscar, tán incluyíos nel so filmografía.
En 2013, foi bien acoyida pola crítica cinematográfica pola so interpretación na película Blue Jasmine, fechu que-y dexó, na temporada de premios 2013-2014, recibir un númberu considerable de gallardones, ingresando al grupu d'actrices que ganó los cuatro premios comerciales más importantes de la industria del cine por solo una película: el Globu d'Oru, el Bafta, el premiu del Sindicatu d'Actores y el premiu Óscar; amás otros importantes premios daos pola crítica d'Estaos Xuníos (destacando'l Independent Spirit y el Critics' Choice Awards) ya internacional. Por cuenta del so ésitu, talentu, el so espíritu «anti star» y la diversidá de los sos papeles, los críticos llaman Blanchett «la nueva Meryl Streep» o «la Meryl Streep de la próxima xeneración».
Blanchett y el so maríu, Andrew Upton,[10] son anguaño los direutores artísticos de la Sydney Theatre Company.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
.jpg)
_BAR.svg){kind=small}
.svg)
