Castrelo do Val
conceyu de la provincia d'Ourense From Wikipedia, the free encyclopedia
Castrelo do Val[3] ye una llocalidá y conceyu español, asitiáu na provincia d'Ourense, na Comunidá Autónoma de Galicia. Pertenez a la contorna de Verín y en 2006 cuntaba con un censu de 1.247 persones según el Padrón municipal d'habitantes 1.239 en 2004).
| Evolución de la población de Castrelo do Val - dende 1900 hasta 2011 - | |||||||
| 1900 | 1930 | 1950 | 1981 | 2004 | 2007 | 2010 | 2011 |
| 2.975 | 2.913 | 3.227 | 2.455 | 1.239 | {{{6}}} | {{{7}}} | {{{8}}} |
| Fontes: INE e IGE
(Los criterios de rexistru censal variaron ente 1900 y 2011, y los datos del INE y del IGE pueden nun coincidir.) | |||||||
 Castrelo do Val | |||||
|---|---|---|---|---|---|
 | |||||
| |||||
| Alministración | |||||
| País |  España | ||||
| Autonomía |  Galicia | ||||
| Provincia |  provincia d'Ourense | ||||
| Tipu d'entidá | conceyu de Galicia[1] | ||||
Alcalde de Castrelo do Val (es)  | Vicente Gómez García | ||||
| Nome oficial | Castrelo do Val (gl)[2] | ||||
| Códigu postal |
32625 | ||||
| Xeografía | |||||
| Coordenaes | 41°59′26″N 7°25′27″W | ||||
  Castrelo do Val Castrelo do Val (España)  | |||||
| Superficie | 122 km² | ||||
| Altitú | 419 m | ||||
| Llenda con | A Gudiña, Riós, Vilardevós, Verín, Monterrei, Laza y Vilariño de Conso | ||||
| Demografía | |||||
| Población |
989 hab. (2023) - 499 homes (2019) - 485 muyeres (2019) | ||||
| Porcentaxe | 0.32% de provincia d'Ourense | ||||
| Densidá | 8,11 hab/km² | ||||
| Más información | |||||
| Estaya horaria | UTC+01:00 | ||||
| castrelodoval.gal | |||||
 | |||||
Esti conceyu ocupa una zona de transición ente'l macizu de Manzaneda - Serra de Queixa y el valle de Verín, tamién denomináu de Monterrei o Támega, nel sector suroriental de la provincia d'Ourense.
La capital municipal ta a unos 65 km de la ciudá d'Ourense y a 6 km de Verín, y la llinia ferroviaria Ourense-Zamora tien una estación en Campobecerros, denomada Castrelo do Val-Verín.
Pola so estensión el términu municipal ye unu de los mayores de la provincia (122,4 km²). Los sos habitantes tán distribuyíos en 9 parroquies: Campobecerros, Castrelo do Val, Gondulfes, Nocedo do Val, Parada da Serra, Pepín, Piornedo, Portocamba y Servoi.
 | Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
El so relieve montascosu deber al allugamientu nes estribaciones del macizu de Cabeza de Manzaneda - San Mamede - Serra de Queixa. Esti nucleu orográficu ta arrodiáu per una serie de fueses tectóniques perifériques, una de les cualos ye la de Verín. Por eso, Castrelo do Val caracterízase topográficamente pol fuerte descensu altitudinal dende'l norte, a onde lleguen les estribaciones del macizu enantes citáu (Cabeza de Valdefeira, 1.288 metros; Pena Nofre, 1.291 metros; Cabezo do Sogral, 1.369 metros), escontra la depresión qu'ocupa'l sector suroccidental del conceyu, y onde los altores bazcuyen ente 400 y 500 metros.
La depresión teutónica ta avenada pel ríu Támega, qu'escurre escontra'l sur, por ser afluente del ríu Duero, y baña les tierres meridionales del conceyu. Completen la rede fluvial numberosos ríos, el más importante de los cualos ye'l Camba, que ta represado nel banzáu das Portas.
No que'l clima respecta, tantu na estación de Portocamba como na de Campobecerros, rexístrase una temperatura medio añal en redol a los 9 °C, una oscilación térmica elevada (14, 8 °C) y altes precipitaciones añales. Estos valores son la resultancia d'una combinaciones de distintos factores (situación interior, topografía montascosa y altitú elevada).
Los restos arqueolóxicos del Castru de Cabanca, en Casteliños, dexaron constancia de la ocupación humana d'estes tierres dende l'antigüedá.
El topónimu varió a lo llargo de la so historia. Asina, nel boletín oficial de la provincia d'Ourense del añu 1836 figuraba como Castrelo pero en 1842 añadióse-y " del Valle". Anguaño'l nome oficial ye Castrelo do Val.
A principios de 2011 el vecín de la llocalidá, José Luis Lozano Rúa, atopó nuna de les finques familiares el petroglifu conocíu como Cercu del guerreru, de más de 3.000 años d'antigüedá, únicu afayu d'estes carauterístiques en Galicia, que foi treslladáu al Muséu Arqueolóxico Provincial.[4]
Dende'l puntu de vista arquiteutónicu tenemos de destacar los distintos cruceiros, de los cualos el más destacable ye'l de Pepín (realizáu en 1759 por Manuel Carré), y les ilesies de Servoi (reconstruyida nel S. XVIII), Gondulfes y Nocedo (d'una sola nave construyida nel S. XVII), y la Capiella de Vilar, ensin escaecer el cascu antiguu de Nocedo con una interesante fonte y dellos cruceiros, y el Petu de les ánimes de Gondulfes .
| Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
La gastronomía ta rellacionada colos productos amestaos a l'agricultura y la ganadería y cola riqueza piscícola y cinexética de la zona.
Les castañes, el miel, les cogordes, la carne de xabalín, corderu y cabritu, regaos col bon vinu que se da na zona acoyíos a la Denominación d'Orixe de Monterrei, son los productos carauterísticos d'esta zona.
- Campobecerros (Santiago)
- Castrelo do Val (Santa María)
- Gondulfes (Santa Cruz)
- Nocedo do Val (San Salvador)
- Parada da Serra (San Lucas)
- Pepín (San Vicente)
- Piornedo (Santa Eufemia)
- Portocamba (San Miguel)
- Servoi (Santa María)
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
