Cangues d'Onís

Cangues d'Onís ye un conceyu, una parroquia y una ciudá d'Asturies. Llenda al norte con Parres y Ribeseya, al este con Onís y Llanes, al oeste con Amieva y Parres y al sur cola provincia de Lleón.

Cangues d'Onís
bandera de Cangues d'Onís Escudu de Cangues d'Onís
Alministración
País	España
Autonomía	Principáu d'Asturies
Provincia	Provincia d'Asturies
Partíu xudicial	Cangues d'Onís
Tipu d'entidá	conceyu
Capital	Cangues d'Onís
Alcalde de Cangues d'Onís	José Manuel González Castro
Nome oficial	Cangas de Onís (es)
Xeografía
Coordenaes	43°18′52″N 5°04′00″W
Superficie	212.75 km²
Llenda con	Amieva, Parres, Ribeseya, Llanes, Onís y Posada de Valdeón
Puntu más baxu	ríu Seya
Altitú media	87 m
Demografía
Población	6362 hab. (2023)
Densidá	29,9 hab/km²
Xentiliciu
Viviendes	2709 (2011)
Más información
Estaya horaria	UTC+01:00
cangasdeonis.com

Xeografía

Asitiáu na fastera sur-oriental d'Asturies, el conceyu incluye parte de los Picos d'Europa lo mesmo que parte del cursu mediu del ríu Seya.

Relieve y orografía

La cota máxima d'altor alcuéntrase na Torre de Santa María o Peña Santa d'Enol con 2.478 metros d'altor sobre'l nivel del mar.

Nesti conceyu estrémense delles fasteres nel so conxuntu orográficu:

La vertiente meridional coles sierres costeres de Santianes, Escapa y Montes de Cuana, con una alto máximu nel Mofrechu de 897 metros. Na zona de la depresión, ye onde s'alcuentren les más riques vegues de los ríos. El Pre-Cornión o montes del sur que formen el macizu occidental de los Picos d'Europa y con guapes sierres y praos de gran belleza. El macizu de Cornión, constituye'l más estensu y occidental de los Picos de Europa, onde ta'l Parque Nacional de los Picos d'Europa. Los valles del Dobra y Seya que se formen pel sur ya l'este de les llendes del conceyu.

Vexetación

Les condiciones d'altura y orientación faen que'l conceyu tenga distintos tipos de vexetación según va descendiendo l'altor, pasando de los liques y plantes alpines n'altores de 2.500 metros, a arbustos y berezos ente los 800 y 1.500 metros, carbayos, fayes y fresnos n'altures que ronden los 400 m., y ya per baxo d'estes altures tán les vegues de los ríos Seya y Güeña. Les viesques, pastos y matos completen la vexetación.

Víes de tresporte

P'aportar a la  N-625  puede tomase'l siguiente itinerariu:

• Pela  A-8  : Tomar la salida  N-632  Ribeseya  N-634  Les Arriondes y Cangues d'Onís, Cuadonga y Parque Nacional de los Picos d'Europa. Na rotonda, tomar la salida a la  N-634  hasta llegar a Les Arriondes.

Rede de carreteres del Estáu

•  N-625  Carretera del Seya: Mansilla de las Mulas - Cistierna- Oseya de Sayambre - Puertu del Pontón - Ceneya - Corigos - Cangues d'Onís - Les Arriondes

Rede viaria autonómica y comarcal

•  AS-114  Corredor de los Picos d'Europa: Cangues d'Onís - Sotu Cangues - Benia - La Robellada - Carreña - Arenas - Mier - Panes

•  AS-262  Carretera Cangues d'Onís-Cuadonga: Cangues d'Onís -  AS-114  - Sotu Cangues - Cuadonga

Parroquies

Nᵘ	Nome	Superficie (km²)	Población
1	Abamia	14,615[1]	523
2	Cangues d'Onís		4249
3	Cuadonga	2,54	54
4	Llabra		85
5	Margolles	19,01	231, 198
6	Mestas de Con		295
7	La Riera		75
8	Samartín de Grazanes		157
9	Triongu	12,45	261, 266
10	Villanueva		179
11	Zardón		82

Evolución demográfica

Gráfica d'evolución demográfica de Cangues d'Onís ente 1842 y 2021

La so evolución tien distintos aspeutos, mentanto la capital ta creciendo nos últimos años, tola so población rural mengua. La máxima cota de población la tuvo a mediaos del sieglu XX, con 11.307 habitantes, teniendo un declive que llega hasta nuestros días y que fai que la población, actualmente seya de 6362 habitantes (2023)^[2][3].

Esta mengua débese a una emigración orixinada por culpa de nun poder mantener la población, y que fai que la pirámide demográfica tea marcada por una diferencia bien grande, ente nacimientos y muertes. Asina, por casu sólo el 20% de la población tá ente los 20 y los 40 años, ya que muncha de la población emigró de forma masiva saliendo pol puertu de Ribeseya.

Politica

	PSOE	PP	IX-BA	Cangues Puede	FAC	URAS	Total
2003	8	5	0	-	-	0	13
2007	7	6	0	-	-	0	13
2011	6	4	0	-	3	-	13
2015	3	8	0	1	1	-	13

Historia

Cangues foi capital del Reinu d'Asturies fasta'l 774.

Economía

Emplegaos nos diversos sectores económicos (añu 2015)

	Númberu de trabayadores	Tantu por cientu
TOTAL	2.567	100
Agricultura, ganadería y pesca	274	10,67
Industria	137	5,34
Construcción	140	5,45
Servicios	2.046	78,54
* Datos tomaos del Anuariu Estadísticu d'Asturies 2015, SADEI

Usos del suelu del conceyu (añu 2014)

Usu	Superficie (km²)
Tierres de llabrantíu	1,31
Praderíes	67,10
Terrenu forestal	110,41
Otres superficies	20,42
* Datos tomaos del Anuariu Estadísticu d'Asturies 2015, SADEI

Carauterístiques del sector primariu (añu 2015)

Ganaderíes de bovín	294
Cabeces de ganáu bovín	9.607
Cabeces de ganáu ovín	1.994
Cabeces de ganáu cabrín	1.620
Ganaderos con cuota llechera	12
Quilos de cuota llechera	1.013.712
Metros cúbicos de madera valtao	757
* Datos tomaos del Anuariu Estadísticu d'Asturies 2015, SADEI

Cangueses célebres

• Juan Vázquez de Mella (1861–1928), políticu
• José Ramón Zaragoza (1874–1949), pintor.
• Félix Fernández (1897–1966), actor.
• Gerardo Zaragoza (1902–1985), escultor.
• José Remis Ovalle (1910–1987), gaiteru.
• Diego Carcedo (1940), periodista.
• Manolo Villarroel (1952), escritor, escultor, músicu-
• Berta Piñán (1963), escritora n'asturianu.
• Rafael Reig (1963), escritor.

Referencies

1. Afirmao en: Sociedá Asturiana d'Estudios Económicos ya Industriales.
2. Afirmao en: Padrón municipal d'España de 2023. Autor: Institutu Nacional d'Estadística. Data d'espublización: 13 avientu 2023.
3. oficina de rexistru

Enllaces esternos

• Páxina oficial del Ayuntamientu (castellán)
• Federación Asturiana de Conceyos (castellán)

• Datos: Q225515
• Multimedia: Cangas de Onís