Remove ads
Les especies d'aves con nome común en llingua asturiana márquense como NOA. En casu contrariu, conséñase'l nome científicu.
Bubo scandiacus  | ||
|---|---|---|
 | ||
| Estáu de caltenimientu | ||
 Esmolición menor (IUCN 3.1) | ||
| Clasificación científica | ||
| Reinu: | Animalia | |
| Filu: | Chordata | |
| Clas: | Aves | |
| Orde: | Strigiformes | |
| Familia: | Strigidae | |
| Xéneru: | Bubo | |
| Especie: |
B. scandiacus (Linnaeus, 1758) | |
| Distribución | ||
 | ||
 Distribución del uxu nival - hábitat de branu y área de reproducción
- hábitat d'iviernu | ||
| Sinonimia | ||
| ||
| Consultes | ||
| [editar datos en Wikidata] | ||
Bubo scandiacus[1] ye una especie d'ave estrixiforme de la familia Strigidae. N'Estaos Xuníos conózse-y tamién como l'uxu del Árticu o'l gran uxu blancu. Hasta va pocu, taba vistu como l'únicu miembru d'un xéneru separáu, Nyctea scandiaca. Ye una estrixiforme de tamañu grande y un de los cazadores alaos más poderosos de la tundra.
Ye un divagante raru n'Asturies, en payares de 2021 vieronse dos exemplares, machu y fema nel cabu Peñes, na Costa Cantábrica, Conceyu de Gozón y en los días siguientes vieronse per otros llugares cercanos de la marina asturiana.
Remove ads
- Strix scandiaca Linnaeus, 1758
- Nyctea scandiaca Stephens, 1826
L'uxu les ñeves foi una de les munches especies descrites por Carlos Linneo en 1758 na 10ª edición de la so obra Systema naturae siendo nomada como Strix scandica.[2] Hasta apocayá yera consideráu como l'únicu miembru del so propiu xéneru siendo nomaos como Nyctea scandica pero estudio recién de la secuencia d'ADN del xenoma mitocondrial del citocromo b amuesa que ta estrechamente rellacionáu al xéneru Bubo, siendo treslladáu al dichu xéneru. Sicasí, delles autoridaes cuestionen esta clasificación y aína siguen usando Nyctea.[3]
Remove ads
Esta ave de güeyos doraos mide 53 a 65 cm de llargor con 120 a 150 cm de valumbu. El machu adultu ye virtualmente blancu puru, y femes y moces amuesen pequeñes manches negres nel abdome, qu'hasta pueden predominar. Dacuando son pardes. El so plumaxe ye gruesu, pesáu, y con una color blanca bien afecha al ambiente nórdicu del círculu polar árticu.
La nota más carauterística d'esti uxu ye'l so plumaxe blancu, que-y sirve de camuflaxe pal ambiente nel que vive y que, a diferencia de los de les demás clases de uxos, qu'en machos y femes son cuasi del mesmu color, nel d'esta especie presenta na fema unes rayes marrones.
Remove ads
Alcuéntrase puramente na tundra.
Como en tolos cazadores de la tundra los sos movimientos tán supeditaos a los rigores del clima y la disponibilidad d'alimentu, acompañando a les aves viaxeres nos sos desplazamientos escontra'l sur cuando les temperatures baxen hasta llendes insoportables. La so alimentación ye variada en forma, incluyendo aves de medianu tamañu y pexes, anque la parte más importante de la so dieta compónse de llebres y, sobremanera, aprovecha la gran despensa natural que suponen los lemmings pa tolos carnívoros de les rexones subártices. La dependencia que los predadores tienen de los lemmings ye tal que, mientres los años que les sos poblaciones algamen el so másimu, los animales cazadores tienen tamién les camaes más abondoses, les aves saquen alantre más pollos y les densidaes de carnívoros sobre la tundra aumenten considerablemente. De forma paralela a esta esplosión de recursos, los uxos les ñeves empiecen les sos puestes acondicionando un espartanu nial. Direutamente sobre'l suelu ponen un númberu bien variable de güevos qu'empiecen a guarase dende'l primeru. Pasaes cuatro o cinco selmanes, los güevos eclosionen y la fema permanez de continuu nel nial mientres siquier un mes, protexendo a los sos fíos de les baxes temperatures y alimentándose de les preses apurríes pol machu.
Les llamaes del uxu varien, xeneralmente cuaquin krek-krek-krek-krek; los de la fema son más nidies y tienen dacuando como ruegos de pii-pii-pii-pii o prek-prek-prek. El cantar ye bien repetitiva gou. Tamién pueden faer sonar les sos ales en respuesta a ataques.
Remove ads
Hedwig, la curuxa de Harry Potter ye un uxu les ñeves. Na edición orixinal n'inglés identificase con precisión como "snowy owl", esto ye, "uxu les ñeves". Anque los llibros identifíquenla como fema, pa rodar les películes utilizaron machos, por ser d'un color blancu más brillosu.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
Remove ads