From Wikipedia, the free encyclopedia
Gilbert M. "Broncho Billy" Anderson (21 de marzu de 1880, Little Rock – 20 de xineru de 1971, Woodland Hills y South Pasadena (es) ) foi un actor, guionista, direutor y productor cinematográficu d'Estaos Xuníos, conocíu por ser la primer estrella del cine de xéneru western.[6]
Broncho Billy Anderson | |
---|---|
Vida | |
Nacimientu | Little Rock, 21 de marzu de 1880[1] |
Nacionalidá | Estaos Xuníos |
Residencia |
Arkansas Little Rock |
Llingua materna | inglés |
Muerte | Woodland Hills y South Pasadena (es) [2], 20 de xineru de 1971[3] (90 años) |
Sepultura | Chapel of the Pines Crematory (en) |
Familia | |
Hermanos/es | Leona Anderson |
Estudios | |
Llingües falaes | inglés |
Oficiu | actor, direutor de cine, guionista, productor de cine, actor de teatru, actor de cine, escritor, inventor |
Premios |
ver
|
Xéneru artísticu | western |
IMDb | nm0001908 |
El so verdaderu nome yera Maxwell Henry Aronson, y nació en Little Rock (Arkansas), siendo'l sestu fíu de Henry y Esther (Ash) Aronson, nativos de Nueva York[7] y d'orixe xudíu.[8] Hasta los ocho años d'edá vivió en Pine Bluff, Arkansas, y dempués treslladóse cola so familia a Saint Louis (Missouri). A los 18 años d'edá foi a vivir a la ciudá de Nueva York, onde intentó faer carrera nel vodevil y el teatru, y onde complementó los sos ingresos trabayando como modelu fotográficu y vendedor de periódicos. En 1903 conoció a Edwin S. Porter, que-y dio trabayu como actor y como ocasional collaborador na redaición de guiones.[9][10]
Nel tempranu film de Porter Asaltu y robu d'un tren (1903), Anderson fixo tres papeles. En viendo la cinta per vegada primera nun teatru de vodevil y sentise acorviáu pola reacción del públicu, Anderson decidió dedicase a la industria cinematográfica. Asina, col nome artísticu de Gilbert M. Anderson, empezó a escribir, dirixir y actuar nos sos propios westerns.
En 1907 él y George Kirke Spoor fundaron los Essanay Studios, unu de los más destacaos d'ente los primeros estudios cinematográficos. Anderson actuó en más de 300 curtios pa la compañía. Anque fixo una gran variedá de papeles, consiguió una enorme popularidá nuna serie de 148 curtios western mudos, convirtiéndose na primer estrella cowboy del cine, "Broncho Billy."[11] Spoor permaneció en Chicago dirixendo la compañía como si fuera una fábrica, ente qu'Anderson viaxaba pel oeste de los Estaos Xuníos en tren con un equipu col que rodaba les películes. Munchos de los filmes foron rodaos en Fremont (California), una población nel El Condáu d'Alameda, siendo la cercana ruta del Western Pacific Railroad al traviés del Cañón Niles un llugar bien afayadizu pal rodaxe de westerns.
Escribiendo, actuando y dirixendo la mayor parte de diches películes, Anderson tamién atopó tiempu pa dirixir una serie de westerns risibles protagonizaos por Augustus Carney. En 1916 Anderson vendió la so participación n'Essanay y retiróse de la interpretación. Volvió a Nueva York, mercó'l Teatru Longacre y produció obres, anque ensin un gran ésitu. Más p'alantre fixo una curtia vuelta como productor con una serie de curtios con Stan Laurel, incluyendo'l so primer trabayu con Oliver Hardy en A Lucky Dog (filmáu en 1919 y estrenáu en 1921). Por diferencies col estudiu, Metro, retiróse de nueves pasao 1920.
Anderson demandó a Paramount Pictures por llamar "Bronco Billy" a un personaxe de Star Spangled Rhythm (1943), y por describir al mesmu como un "actor fundíu y fracasáu," daqué que sentía como una referencia a la so persona. Solicitó 900.000 dólares, pero nun se conoz cómo remató la demanda.
Anderson retomó la producción cinematográfica como propietariu de Progressive Pictures na década de 1950, retirándose dempués. En 1958 recibió un Óscar honoríficu pol so trabayu como "pioneru del cine" y pola so "contribución al desenvolvimientu del cine como entretenimientu."
A los 85 años, Anderson salió del so retiru pa faer un caméu en The Bounty Killer (1965). Nos sos últimos años de vida moró nel Motion Picture & Television Country House and Hospital en Woodland Hills (Los Angeles), California.[12]
Broncho Billy Anderson finó en 1971, a los 90 años d'edá, nun sanatoriu de South Pasadena, California.[13] Sobreviviólu la so esposa, Mollie Louise Schabbleman, y la so fía, Maxine. Los sos restos foron enceneraos y les sos cenices depositaes nel Crematoriu Chapel of the Pines de Los Angeles, California.
En 2002 foi incluyíu nel Salón de la Fama de los Intérpretes Western, nel National Cowboy & Western Heritage Museum d'Oklahoma City, Oklahoma.
A Anderson concedióse-y una estrella nel Paséu de la Fama de Hollywood, nel 1651 de Vine Street, pol so trabayu cinematográficu.[14]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.