actor d'Estaos Xuníos (1930–2023) From Wikipedia, the free encyclopedia
Barry Foster Newman (7 de payares de 1930, Boston – 11 de mayu de 2023, Nueva York) foi un actor de cine y televisión d'Estaos Xuníos, famosu pola so interpretación de Kowalski na película Vanishing Point, onde encarna a un veteranu de la guerra de Vietnam qu'apuesta a que ye capaz de conducir un Dodge Challenger blancu de 1970 dende Denver, Colorado hasta San Francisco, California, percorriendo'l suroeste d'Estaos Xuníos en tan solo quince hores. Tamién ye conocíu pol so papel na serie de televisión Petrocelli na qu'interpreta a Anthony Petrocelli, un abogáu nun drama criminalístico, pol cual foi nomáu a los premios Golden Globe y Emmy.
Barry Newman | |
|---|---|
 | |
| Vida | |
| Nacimientu | Boston, 7 de payares de 1930[1] |
| Nacionalidá |
 Estaos Xuníos |
| Muerte | Nueva York[2], 11 de mayu de 2023[2] (92 años) |
| Estudios | |
| Estudios | Universidá Brandeis |
| Llingües falaes | inglés[3] |
| Oficiu | actor de televisión, actor de teatru, actor de cine |
| IMDb | nm0628017 |
 | |
Barry Newman nació'l 7 de payares de 1938 en Boston, fíu de padre austriaco, Carl Henry Newman y Sarah Newman, de nacionalidá sueca. Estudió en Boston Latin School y Brandeis University, onde se graduó n'antropoloxía cultural.
Empezó la so carrera nuna serie pa la televisión neoyorkina, con una notable interpretación nel drama Edge of Night. El so primer papel nel cine foi'l d'un gángster na película Pretty Boy Floyd (1960). Pero foi a finales de la decada de 1960, cuando'l direutor Sydney Furie tuvo en Nueva York buscando a un actor pal so personaxe principal en The Lawyer y Newman allegó al casting faciéndose col papel. Tres la película recibió bien bones críticias y podría considerase el so primer gran ésitu. Tamién foi importante, hasta la fecha la más reconocida, la so interpretación na mentada Vanishing Point, convirtiéndo-y en tou un iconu masculín naquella dómina. La película foi catalogada como de cultu y foi una de les primeres en tener una banda sonora orixinal de música rock. Ente otros de los sos papeles protagonistes atopamos El contautu de Salzburgu (1972), El mieu ye la clave (1972), City on Fire (1979) compartiendo cartelu con Ava Gardner , Amy (1981) pola que la revista Los Angeles Times nomó-y el "Spencer Tracy de los 80" o Daylight (1996) xunto a Sylvester Stallone y Viggo Mortensen. Tamién apaeció na comedia adolescente 40 díes y 40 nueches (2002) xunto a Josh Hartnett, interpretando al padre d'ésti. La película tuvo bona acoyida na taquilla estauxunidense.
Amás de los sos numberosos trabayos pal teatru y la televisión, Newman empezó anguaño a añader el so nome nos creitos de delles películes como productor al igual que ta desenvolviendo dellos proyeutos tamién como productor pa la televisión.
Añu: 1975 Serie de TV: Petrocelli Premiu: Emmy Categoría: Meyor actor principal Resultáu: Nomáu
Añu: 1976 Serie de TV: Petrocelli Premiu: Globu d'Oru Categoría: Meyor Actor de serie dramática Resultáu: Nomáu
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
