From Wikipedia, the free encyclopedia
El Bancu Herrero foi un bancu fundáu n'Uviéu (Asturies) en 1911 por Policarpo Herrero Vázquez, quien foi'l so presidente hasta l'añu 1929, y desapaecío como persona xurídica en setiembre de 2002. Anguaño ye una marca comercial del Bancu Sabadell. N'Asturies caltién el so nome y llámase Banco Sabadell Herrero.
| Banco Herrero | |
|---|---|
| bancu | |
 | |
| Llocalización | |
| Sede |
edificio del Banco Herrero en Oviedo (es)  |
| Direición | España |
| Historia | |
| Fundación | 1911 |
| Disolución | 2002 |
| Sector | |
| Productos destacaos |
servicios financieros (es) |
| Web oficial | |
 | |
En 1929, tres la muerte del fundador, convirtióse en presidente de la entidá'l so fíu Ignacio Herrero de Collantes.
En 1961 pasa a ser presidente del Bancu Ignacio Herrero Garralda, fíu d'Ignacio Herrero de Collantes y nietu de Policarpo Herrero Vázquez.
En 1965 ábrense oficines en Madrid; en 1969 en Xixón, en 1970 n'Avilés, siguiendo Bilbao (1974), Barcelona, Vitoria, San Sebastián, Logroño ó Zaragoza (toes elles en 1975).
En 1984 compró la tamién asturiana Banca Masaveu, dientro del procesu de reprivatización de les empreses pertenecientes al grupu empresarial Rumasa.
En 1995 nómbrase nuevu presidente a Ignacio Herrero Álvarez, fíu d'Ignacio Herrero Garralda y bisnietu del fundador. N'esti mesmu añu los sos accionistes vendieron los sos títulos a La Caixa, perdiendo a partir d'entós la so independencia y pasando a integrase nesti grupu financieru de raigaños catalanes.
Nel añu 2001 integróse nel Grupu Financieru Banco Sabadell (yá propietariu d'otra entidá de creitu asturiana, el Bancu d'Asturies) por aciu una venta efectuada por La Caixa en cuenta de una participación nel capital del Bancu Sabadell.
Finalmente, el Bancu Herrero desapeció como persona xurídica en setiembre de 2002, al ser fundíu por absorción col Bancu Sabadell, quedando dende entós apostráu al papel de marca comercial d'esta entidá nel Principáu d'Asturies y la provincia de Lleón.
L'antigua sede del Bancu Herrero taba asitiada nun pimpanu edificiu na cai Fruela d'Uviéu realizáu col cambéu de sieglu (del XIX al XX), ya inda en funcionamientu, anguaño pal Bancu Sabadell. Equí rodóse dalguna escena de la película Luz de domingo de José Luis Garci.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
