Bagamoyo
From Wikipedia, the free encyclopedia
Bagamoyo ye una ciudá de Tanzania fundada a finales del sieglu XVIII. Foi capital del África Oriental Alemana, y unu de los puertos comerciales más importantes del este d'África. Na actualidá tien unos 30.000 habitantes y ye la capital del distritu de Bagamoyo. Foi declarada apocayá pola Unesco Patrimoniu de la Humanidá.
 Bagamoyo | |
|---|---|
 | |
| Alministración | |
| País |  Tanzania |
| Rexón | Región de Pwani (es)  |
| Tipu d'entidá | villa |
| Nome oficial | Bagamoyo (sw) |
| Nome llocal | Bagamoyo (sw) |
| Xeografía | |
| Coordenaes | 6°26′S 38°54′E |
  Bagamoyo Bagamoyo (Tanzania) | |
| Altitú | 0 m |
| Demografía | |
| Población | 35 000 hab. |
| Porcentaxe |
100% de Región de Pwani (es) |
| Más información | |
| Estaya horaria | UTC+03:00 |
| Llocalidaes hermaniaes | Vallejo |
 | |
Bagamoyo ta asitiada en 6°26′0″S 38°54′0″E, a unos 75 km al norte de Dar es Salaam na mariña del Océanu Índicu, frente a la islla de Zanzíbar.
Bagamoyo foi unu de los centros comerciales más importantes del este d'África nel sieglu XIX, la so hestoria viose influyida por comerciantes árabes y indios, por misioneros cristianos y polos colonizadores alemanes.
Nel sieglu XVIII asítiase en Bagamoyo families musulmanes provenientes d'Omán, y escontra la segunda metá del sieglu XIX convertir nun puertu comercial de marfil y d'esclavos. La esclavitú foi prohibida oficialmente en 1873, pero siguió clandestinamente hasta finales del sieglu XIX.
Bagamoyo foi mientres el sieglu XIX puntu de partida de numberoses espediciones europees escontra l'interior del continente, como les de los esploradores británicos Richard Francis Burton, John Hanning Speke, James Augustus Grant o Henry Stanley. Sicasí David Livingstone nun visitó nunca Bagamoyo en vida, pero'l so cadabre tuvo na ciudá antes de ser lleváu a Zanzíbar.
Bagamoyo foi la capital del África Oriental Alemana ente 1886-1891, añu nel que Dar es Salaam pasó a ser la capital de la colonia. Cuando'l Imperiu Alemán decidió construyir una llinia ferrial de Dar es Salaam al interior en 1905, la importancia de Bagamoyo empezó a tornar. En 1916, mientres la Primer Guerra Mundial, sufrió un bombardéu naval británicu, los alemanes fueron invadíos y el so fuerte tomáu.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
