From Wikipedia, the free encyclopedia
L'American Sociological Association (ASA), fundada en 1905 como American Sociological Society (ASS), ye una organización ensin ánimu d'arriquecimientu dedicada a la meyora de la disciplina y l'oficiu de la socioloxía. L'asociación márcase como xera'l sofitar a los sociólogos na so xera y promocionar les sos contribuciones a la sociedá.
ASA celebra añalmente un congresu, el American Sociological Association Annual Meeting, que cunta cola presencia d'unos 6000 participantes.[1] Amás l'asociación edita delles publicaciones académiques ente les que destaca l'American Sociological Review.
Con unos 13.000 miembros, ente los que s'atopen profesores, alumnos, investigadores y becarios, l'ASA ye l'asociación profesional de socioloxía más grande del mundu.[1]
El primer presidente d'ASA foi Lester Frank Ward, consideráu'l padre de la socioloxía norteamericana. Mientres estos años ocuparon la presidente de l'asociación destacaos sociólogos como Talcott Parsons en 1949, Robert Merton en 1957, Erving Goffman en 1982 o James Coleman en 1992. L'actual presidenta (2009), que fai la presidencia númberu 100, ye la profesora de la Universidá de Maryland Patricia Hill Collins, conocida popularmente pol so llibru Black Feminist.
Na seronda de 2011, l'ASA llanzó la so iniciativa "Socioloxía en Wikipedia". L'oxetivu xeneral de la iniciativa ye que los sociólogos arreyar nos procesos d'escritura y edición p'asegurar que los artículos de les ciencies sociales tean actualizaos, completos, precisos y escritos apropiadamente. Erik Olin Wright, presidente de l'Asociación naquel periodu, pidió ameyorar les entraes sociolóxiques motivando a profesores y estudiantes a que s'arreyen pa realizar xeres d'escritura de Wikipedia en clase. En collaboración cola Fundación Wikimedia y un grupu d'investigación de la Universidá Carnegie Mellon, l'ASA desenvolvió'l so Portal Wikipedia. El mesmu apurre tutoriales sobre cómo contribuyir, alderiques en videu de normes y procedimientos, llistes d'artículos y árees temátiques que precisaben meyores. El Portal tamién apurre instrucciones pa los profesores sobre cómo usar asignaciones d'escritura de Wikipedia pa cursos académicos.[2]
ASA edita dacuando once publicaciones:
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.