Alyssa Diaz
From Wikipedia, the free encyclopedia
Remove ads
Alyssa Elaine Diaz (7 de setiembre de 1985, Los Angeles) ye una actriz d'Estaos Xuníos.[2] Ye conocida por interpretar a Celia Ortega en As The World Turns, a Jasmine en The Nine Lives of Chloe King y Gloria Cruz en Army Wives.[3]
Remove ads
Biografía
Diaz nació en Northridge, California. Ye d'ascendencia mexicana, colombiana y irlandesa. Graduóse na Bishop Alemany High School. Empezó a actuar a la edá de doce años cuando un profesor animó-y a inscribise nel programa de teatru de la escuela.[4]
Carrera
Diaz debutó en 2001 nun episodiu de Los Hermanos García, de la cadena Nickelodeon y siguió apaeciendo en papeles pequeños en series como American Family y CSI: Miami,[5] hasta qu'en 2005 llogró'l personaxe de Celia Ortega na telenovela de la CBS As The World Turns, col cual ganó popularidá.[2] Foi convidada en series como The Unit, Shark, CSI: NY, Southland, Lie to Me y Law & Order: Los Angeles.[5]
Pa 2011, ye contratada como parte del repartu principal de la serie d'ABC Family The Nine Lives of Chloe King, onde interpreta a Jasmine y comparte creitos con Skyler Samuels, Grace Phipps y Grey Damon. La serie foi atayada por cuenta de les baxes audiencies al términu de la primer temporada.[6]
En 2012, Diaz apaez como convidada nun episodiu de la primer temporada de Revolution.[5] Tamién foi contratada pa interpretar a Kimberly na cuarta temporada de The Vampire Diaries,[7] asina mesmu, llogra'l personaxe recurrente de Gloria Cruz na sesta temporada en Army Wives. Pa la séptima temporada de la serie, Diaz ye promovida al repartu principal.[8]
Diaz tamién participó en curtiumetraxes como Wednesday Afternoon, Echoes y American Citizen, ente otros. En 2005, coprotagonizó la película independiente How the Garcia Girls Spent Their Summer, xunto a America Ferrera. Los sos creitos tamién inclúin películes como Oh Baby!, Shark Night 3D, Red Dawn y la película pa televisión Ben 10: Alien Swarm, ente otres.[3][4][5]
Remove ads
Filmografía
Remove ads
Referencies
Enllaces esternos
Wikiwand - on
Seamless Wikipedia browsing. On steroids.
Remove ads