Alex Turner

Alexander David "Alex" Turner (6 de xineru de 1986, Sheffield) ye un músicu, cantante ya compositor inglés. Ye'l líder, vocalista, guitarrista ya principal compositor de la banda inglesa d'indie rock, Arctic Monkeys. Turner grabó incluso con un proyeutu paralelu nomáu The Last Shadow Puppets ya como solista.

Alex Turner
Vida
Nacimientu	Sheffield, 6 de xineru de 1986 (38 años)
Nacionalidá	Reinu Xuníu
Estudios
Estudios	Stocksbridge High School (en) Barnsley College (en)
Llingües falaes	inglés[1]
Oficiu	guitarrista, cantante, cantautor
Trabayos destacaos	Stuck on the Puzzle (en)
Miembru de	Arctic Monkeys (es) The Last Shadow Puppets
Xéneru artísticu	rock rock alternativu
Mena de voz	Barítonu
Instrumentu musical	guitarra voz guitarra baxu tecláu pandereta batería pianu
Discográfica	Domino Records (es)
IMDb	nm2283435

Primeros pasos

Alexander David Turner ye l'únicu fíu de Penny ya David Turner, que-y aprendieron alemán ya música respeutivamente nes escueles secundaries de Sheffield. Foi criáu en High Green, un suburbiu de Sheffield. Foi al institutu Stocksbridge de Sheffield (1997–2002) ya foi llueu recordáu pol so profesor d'inglés, Steve Baker, como "daquién non convencional, un poco diferente, con una brillantez ya intelixencia que diben a servir de muncho. Tenía un sentíu del humor mui orixinal. Alex enxamás foi muiy falaor, pero podíes sentir cuando dalguna poesía lu conmovía".

Turner pasó la mayor parte de la so adolescencia sintiendo a raperos como Roots Manuva. Llueu, les sos atenciones tornaron a la música de guitarra, siguiéndo l'estallíu de Los Strokes ya Los Libertines. Turner tamién admiraba a The Beatles y aspiraba a ser como ellos. Los padres de Turner traxeron-y la so primera guitarra pola Navidá de 2001. Al acabar los sos estudios en Barnsley, so padre y so madre dexaron-y posponer la universidá por un añu pa perseguir les sos ambiciones musicales, aunque yeren reticentes a ello. A lo llargo d'esti tiempu trabayó de camareru nun popular bar de Sheffield, The Boardwalk. Turner siempre dixo que, si los Arctic Monkeys nun tuvieren éxitu, él tendría estudiao inglés na Universidá de Manchester. Aunque tien un gran amor pola guitarra comentó que "dedico más tiempu a les lletres de los cancios ya tiendo a sentiles más qu'a la música de fondu".

Carrera

Arctic Monkeys

La banda firmó cola discográfica independiente Domino Records dempués d'una guerra d'ufiertes en 2005. El so primer álbum Whatever People Say I Am, That's What I'm Not, llanzáu a primeros de 2006, convirtióse nel discu de debut que más rápido se vendió na historia de la música británica. Dende entós, la banda editó cinco álbumes más: Favourite Worst Nightmare (2007), Humbug (2009), Suck It and See (2011), AM (2013) ya Tranquility Base Hotel & Casino (2018) toos ellos algamaron el númberu ún nes llistes del Reinu Xuníu.

Les primeres composiciones colos Arctic Monkeys de Turner taben basaes en tornu a conceutos específicos, particularmente nel so primer discu Whatever People Say I Am, That's What I'm Not, el cual ye a menudu consideráu como un álbum de conceutu centráu na vida nocturna del Reinu Xuníu. Más tarde evolucionó a temes más variaos, especialmente destacable en Humbug ya Suck It and See.

En xunetu de 2012, Turner reveló que tuvo componiendo cancios pal quintu discu de la banda (llueu nomáu AM) mientres taben de xira polos Estaos Xuníos con The Black Keys.

The Last Shadow Puppets

N'agostu de 2007, foron anunciaos los planes de Turner de grabar un discu con Miles Kane, James Ford ya Owen Pallett.

El discu, The Age of the Understatement, fue llanzáu el 21 d'abril de 2008 y algamó'l númberu ún na so primer selmana. Hacia'l final de 2008 completaron una pequeña xira, cola collaboración de la Orquesta Filarmónica de Londres, entamando nel Portsmouth Guildhall el 19 d'agostu.

En 2016, Kane ya Turner axuntáronse de nuevu pa presentar el segundu discu d’estudiu del grupo, llamáu Everything you’ve come to expect.

Solista

Turner escribió ya interpretó los seis cancios de la banda sonora de Submarine, la primera película de Richard Ayoade, un collaciu ya direutor de varios videoclips de los Arctic Monkeys. La banda sonora foi llanzá el 18 de marzu de 2011 nel Reinu Xuníu ya n'Estaos Xuníos.

Según Matt Helders, en declaraciones pa la revista NME magazine, Turner grabó un nuevu canciu en solitariu dempués de les grabaciones de R U Mine? ya Electricity.

Collaboraciones

N'ochobre de 2008, Turner fizo'l so debut como escritor d'hestories breves, interpretando una pieza falada "A Choice of Three" na escoyeta Late Night Tales del so compañeru na banda: Matt Helders. Turner trabayó con Dizzee Rascal nel canciu "Temptation Greets You Like Your Naughty Friend" del single Brianstorm de los Arctic Monkeys ya "Temptation" del discu de los Rascals Maths and English. Turner tamién apaez nel canciu de los Reverend and the Makers "The Machine" del so primer discu The State Of Things. En 2011, Turner tamién contribuyó escribiendo y ayudando a componer seis cancios nel primer discu de Miles Kane Colour of the Trap, un papel que sería apañáu por Paul Weller pal segundu discu de Kane. Tamién ayudó a componer el canciu "First of My Kind" con Kane ya Eugene McGuinness pa Record Store Day 2012 ya "Get Right", una cara B pal single de Kane, "Don't Forget Who You Are". Turner collaboró tamién con Queens of the Stone Age nel so sestu discu d'estudio ...Like Clockwork, que foi llanzáu'l 4 de xunu de 2013. Nesti álbum, Turner cancia nel cuartu tema, "If I Had a Tail", ya ayudó a Josh Homme, líder de Queens of the Stone Age, a escribir la lletra del sestu canciu, "Kalopsia".

Vida personal

Turner tuvo una rellación de dos años cola entós alumna del Goldsmiths College, Johanna Bennett, dende 2005 hasta 2007. Tuvo una rellación de cuatro años cola presentadora de televisión Alexa Chung dende mediaos de 2007 hasta mediaos de 2011; dividieron el so tiempu ente Londres ya Nueva York. Turner tuvo saliendo con Arielle Vandenberg dende Agostu de 2011; viven xuntos en Los Angeles.

Discografía

Solista

Títulu	Detalles del discu	Posición nes llistes
Submarine	Llanzáu: 18 de marzu de 2011	RX:35 FRA:97 IRL:56

Arctic Monkeys

• 2006 – Whatever People Say I Am, That's What I'm Not
• 2007 – Favourite Worst Nightmare
• 2009 – Humbug
• 2011 – Suck It and See
• 2013 – AM
• 2018 - Tranquility Base Hotel & Casino

The Last Shadow Puppets

• 2008 – The Age Of The Understatement
• 2016 - Everything You’ve Come To Expect

Collaboraciones

• 2007 – Reverend and The Makers – The State of Things (writer and vocalist on "The Machine", co-writer of "He Said He Loved Me" and "Armchair Detective")
• 2007 – Dizzee Rascal – Maths + English ("Temptation")
• 2009 – Matt Helders – Late Night Tales: Matt Helders ("A Choice of Three")
• 2011 – Miles Kane – Colour of the Trap (co-writer of "Rearrange", "Counting Down the Days", "Happenstance", "Telepathy", "Better Left Invisible" and "Colour of the Trap")
• 2012 – Miles Kane – First of My Kind EP (co-writer of "First of My Kind")
• 2013 – Miles Kane – Don't Forget Who You Are (co-writer of B-side "Get Right")
• 2013 – Queens of the Stone Age – ...Like Clockwork (co-writer of "Kalopsia" and guest vocalist on "If I Had a Tail")

Referencies

1. «idRef» (francés). Agencia Bibliográfica de Enseñanza Superior. Consultáu'l 23 mayu 2020.

Enllaces esternos

• Wikimedia Commons acueye conteníu multimedia sobre Alex Turner.

• Datos: Q315643
• Multimedia: Alex Turner