Albert Ray

Albert Ray (28 d'agostu de 1897, New Rochelle ^(es)  – 5 de febreru de 1944, Los Angeles) foi un direutor, actor y guionista cinematográficu d'Estaos Xuníos.

Albert Ray
Vida
Nacimientu	New Rochelle (es) , 28 d'agostu de 1897[1]
Nacionalidá	Estaos Xuníos
Llingua materna	inglés
Muerte	Los Angeles, 5 de febreru de 1944[1] (46 años)
Estudios
Llingües falaes	inglés
Oficiu	actor, direutor de cine, guionista, actor de cine
IMDb	nm0712730

Biografía

Nacíu en Nueva Rochelle, Nueva York, en rematando los sos estudios, Ray foi actor teatral en representaciones de teatru de branu, y actuó nel Harlem Opera House de la ciudá de Nueva York.

Como direutor cinematográficu, empecipióse rodando na Mariña Este curtiumetraxes pa los estudios Pathé. En 1915 foi a Hollywood, onde se centró en llabores de direición, anque tamién fixo actuaciones hasta l'añu 1922. Trabayó en comedies de Ben Turpin rodaes pa Vogue Pictures, dirixendo darréu na unidá Sunshine Comedies de Fox Film Corporation.^[2] Amás, en Paramount Pictures formó parte del departamentu de curtiumetraxes de la compañía.

Nos sos últimos años, ente les sos películes figuren dellos títulos western de serie B protagonizaos por Johnny Mack Brown.^[3] En total, a lo llargo de la so carrera dirixó 76 filmes, actuando en 18.

Albert Ray finó en 1944 en Los Angeles, California. Foi soterráu nel Campusantu Forest Lawn Memorial Park de Glendale, California. Había estáu casáu cola actriz Roxana McGowan, cola que tuvo dos fíos y de la que se divorció más palantre.^[4]

Seleición de la so filmografía

• When Do We Eat? (1918)
• The Night Riders (1920)
• The Ugly Duckling (1920)
• None But the Brave (1928)
• Unholy Love (1932)
• A Shriek in the Night (1933)
• Dizzy Doctors (1937)
• The Cheaters (1945)

Referencies

1. Afirmao en: SNAC. Identificador SNAC Ark: w68q8z3h. Apaez como: Albert Ray. Data de consulta: 9 ochobre 2017. Llingua de la obra o nome: inglés.
2. Aubrey Solomon: The Fox Film Corporation, 1915–1935. A History and Filmography. McFarland, Jefferson NC o. a. 2011, ISBN 978-0-7864-6286-5, S. 41.
3. Anthony Balducci: Lloyd Hamilton. Poor Boy Comedian of Silent Cinema. McFarland & Company, Jefferson NC o. a. 2009, ISBN 978-0-7864-4159-4, S. 191.
4. Debra Ann Pawlak: Bringing up Oscar. The Story of the Men and Women who founded the Academy. Pegasus Books, New York NY 2012, ISBN 978-1-60598-137-6, Capítulu 20.

Enllaces esternos

• Esta obra remanez de la traducción de Albert Ray de Wikipedia - alemán, espublizada polos sos editores baxo la Llicencia de documentación llibre de GNU y la Llicencia Creative Commons Atribución-CompartirIgual 3.0 Unported.
• Esta obra remanez de la traducción de Albert Ray de Wikipedia - inglés, espublizada polos sos editores baxo la Llicencia de documentación llibre de GNU y la Llicencia Creative Commons Atribución-CompartirIgual 3.0 Unported.
• Wikimedia Commons acueye conteníu multimedia sobre Albert Ray.
• Albert Ray na Internet Movie Database (n'inglés)
• Albert Ray n'AllMovie (n'inglés)
• «Albert Ray». en Find a Grave. (n'inglés)

• Datos: Q1973276
• Multimedia: Albert Ray