Adrián Barbón

Adrián Barbón Rodríguez (4 de xineru de 1979, Llaviana) ye un abogáu y políticu asturianu, secretariu xeneral de la Federación Socialista Asturiana dende setiembre de 2017 y presidente d'Asturies dende'l 15 de xunetu de 2019^[1][2].

Adrián Barbón
9. Presidente del Principáu d'Asturies 20 xunetu 2019 - ← Javier Fernández Fernández Diputáu na Xunta Xeneral del Principáu d'Asturies 24 xunu 2019 - Secretariu xeneral de la FSA-PSOE 17 setiembre 2017 - Diputáu nel Congresu de los Diputaos d'España 29 setiembre 2015 - 27 ochobre 2015 alcalde de Llaviana 30 setiembre 2008 - 9 ochobre 2017 Conceyal nel Conceyu de Llaviana 14 xunu 2003 - 14 xunu 2018
Vida
Nacimientu	Llaviana, 4 de xineru de 1979 (45 años)
Nacionalidá	España
Estudios
Estudios	Universidá d'Uviéu 2002) llicenciatura : derechu
Llingües falaes	asturianu castellanu
Oficiu	políticu, abogáu
Creencies
Partíu políticu	Federación Socialista Asturiana

Biografía

Foi conceyal nel Ayuntamientu de Llaviana dende 2003 hasta 2018. Tamién foi alcalde d'esti conceyu en 2008.

Foi diputáu nel Congresu de los Diputaos por Asturies un mes, al final de la X Llexislatura.^[3]

Estudió nel Colexu San José de Sotrondio y nel IES David Vázquez Martínez de Llaviana. Nel añu 2002 llicencióse en Derechu na Universidá d'Uviéu. Barbón estudió, amás, un Máster en Lideralgu.^[4]

En setiembre de 2017 foi escoyíu secretariu xeneral de la FSA-PSOE. Foi candidatu a les eleiciones a la Xunta Xeneral del Principáu d'Asturies de 2019 llogrando más representación pal so partíu que nes eleicioneses anteriores. Foi escoyíu parllamentariu na Xunta Xeneral del Principáu d'Asturies.^[1]

El 15 de xunetu de 2019 foi investíu presidente d'Asturies en segunda votación al nun llograr la cantidá necesaria'l 12 de xunetu de 2019. Tuvo'l sofitu d'Izquierda Xunida^[5][6].

El 17 d'avientu de 2021 tuvieron qu'ingresalo nel HUCA dempués de dar positivu por COVID-19. Mientres tanto, el so vicepresidente nel Gobiernu, Juan Cofiño, asumió les funciones de presidente interín ^[7].

Referencies

1. «Barbón, noveno presidente de la democracia en Asturias con los votos del PSOE e Izquierda Unida» (castellán) (15 de xunetu de 2019). Archiváu dende l'orixinal, el 2019-07-15. Consultáu'l 15 de xunetu de 2019.
2. Pablo R. Guardado (15 de xunetu de 2019). «“Asturies necesita ilusión”, afirma Barbón, que promete trabayu dende la presidencia». Asturies.com. Consultáu'l 16 de xunetu de 2019.
3. «Noticia del relevu de Mª Luisa Carcedo como Diputada por Adrián Barbón». Archiváu dende l'orixinal, el 2019-07-19.
4. Perfil d'Adrián Barbón na páxina web del Congresu de los Diputaos (Setiembre-Ochobre de 2015)
5. «Archived copy». Archiváu dende l'orixinal, el 2019-07-15.
6. https://sedemovil.asturias.es/portal/site/Asturias/menuitem.1003733838db7342ebc4e191100000f7/?vgnextoid=d7d79d16b61ee010VgnVCM1000000100007fRCRD&fecha=17/07/2019&refArticulo=2019-07831&i18n.http.lang=es
7. Asturies.com (17 d'avientu de 2021). «Barbón da positivu nun test d'antíxenos previu al 33 Congresu de la FSA» (asturianu). Consultáu'l 19 d'avientu de 2021.

Enllaces esternos

• Wikimedia Commons acueye conteníu multimedia sobre Adrián Barbón.
• Adrián Barbón en Facebook
• Adrián Barbón en Twitter

Predecesor: Marciano Barreñada Bazán	Alcalde de Llaviana 2008-2017	Socesor: Julio García Rodríguez
Predecesor: Javier Fernández	Secretariu xeneral de la FSA-PSOE 2017-	Socesor: nel cargu
Predecesor: Javier Fernández Fernández	Presidente d'Asturies 2019 - anguaño	Socesor: nel cargu

• Datos: Q14026688
• Multimedia: Adrián Barbón Rodríguez