Conozse como Área metropolitana central d'Asturies[1] a la conurbación de les árees urbanes que formen los conceyos de la zona central del Principáu d'Asturies n'España con una población cimera a los 850.000 habitantes.[2] El fechu de que nenguna de les ciudaes que la formen sía con claridá la ciudá central, capaz pol so tamañu o centralidad de funciones d'apostrar a les demás al rangu de ciudá satélite, fai discutible que se-y pueda aplicar puramente'l conceutu d'área metropolitana. Trátase, por tanto, d'un área policéntrica, siendo la séptima d'España en númberu d'habitantes (ver Árees metropolitanes d'España).
Históricamente caracterizóse por ser un importante focu industrial del qu'heredó una importante rede de ferrocarriles. Esta conforma anguaño un elementu vertebrador del área metropolitana xunto col'autopista «Y», una vía d'alta capacidá que xune Uviéu, Xixón y Avilés dende la década de 1970, y que siempres dexó la comunicación ente les ciudaes d'una forma bien rápida. Otros conceyos del centru (especialmente Siero) y los de les Contornes Mineres (especialmente Llangréu y Mieres) completen esta área.
En 2016 el Gobiernu del Principáu d'Asturies llanzó una propuesta pa la configuración d'un espaciu denomináu Área Metropolitana d'Asturies formáu por 29 conceyos, suxetu a unes mesmes directrices subrexonales y con un consorciu y un conseyu metropolitanos.[3]
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
