Xuegos Olímpicos de Saint Louis 1904
III edición de los xuegos olímpicos de branu / From Wikipedia, the free encyclopedia
Los Xuegos Olímpicos de Saint Louis 1904, oficialmente conocíos como los Xuegos de la III Olimpiada, celebráronse en Saint Louis, Estaos Xuníos, ente'l 1 de xunetu y el 23 de payares conocíos oficialmente como Xuegos de la Tercer Olimpiada. Participaron 651 atletes (645 homes y 6 muyeres) de 12 países, compitiendo en 91 eventos de 16 deportes olímpicos, Los Xuegos Olímpicos lleváronse a cabu como parte de la Esposición Universal de Saint Louis en 1904.[1][2] Por ello los organizadores distribuyeron les pruebes deportives mientres más de cuatro meses. A pesar de les enormes inversiones de dineru na organización, el númberu d'atletes participantes procedentes d'otros países namái foi de 42; los organizadores apenes llograron interesar a los atletes d'Europa en cruciar l'Atlánticu pa participar nel eventu.
Xuegos Olímpicos de Saint Louis 1904 | ||||
---|---|---|---|---|
Xeneral | ||||
Tipu de competición | Xuegos Olímpicos de branu | |||
País | Estaos Xuníos | |||
Historia | ||||
Desapaición | 23 de payares de 1904 | |||
Competición | ||||
Participantes |
12 estáu nos Xuegos Olímpicos 651 Atleta Olímpico (es) | |||
| ||||
Web oficial | ||||
Con estos xuegos empecipió la tradición de dar medayes d'oru, plata y bronce a los trés primeros puestos de cada prueba. Incluyéronse per primer vegada llucha estilu llibre y el boxéu como deportes olímpicos.
La ciudá de Saint Louis, Missouri, yera entós una pequeña pero influyente ciudá na que se concentraba'l comerciu del algodón y caltenía una fuerte actividá comercial. La ciudá de Chicago fuera la sede orixinal, escoyida pol COI dende 1901, pero l'amenaza de faer Xuegos paecíos na Feria Mundial nes mesmes feches y una campaña de desprestixu llograron que'l COI buscara la mediación, la decisión definitiva sobre la eleición de la sede tomóla'l Presidente norteamericanu Roosevelt.[3]
Los Xuegos Olímpicos de 1904 fueron desafortunadamente marcaos pola segregación racial. El desfile inaugural, col títulu de Anthropological Day (El Día Antropolóxicu), amosaba a los espectadores miembros de races supuestamente inferiores que depués competiríen n'eventos paralelos ensin rexistru oficial. El barón de Coubertin calificó estos fechos como un espectáculu bochornosu.