From Wikipedia, the free encyclopedia
Wenzhóu (chinu tradicional: 溫州, chinu simplificáu: 温州, pinyin: Wēnzhōo, trescripción antigua: Wenchow) ye una ciudá-prefeutura asitiada en Zhejiang na República Popular China. La prefeutura ocupa una área total de 11 784 km² y la ciudá propiamente dicha tien 1,42 millones habitantes. Más del 11% de la población ye cristiana. La llingua llocal nun ye'l mandarín sinón una variedá de chinu wu (吳語, wúyǔ).
![]() | |
---|---|
| |
Alministración | |
País | ![]() |
Provincies | Zhejiang |
Tipu d'entidá | Ciudá-prefeutura de la República Popular China |
Nome oficial | 温州市 (zh-cn) |
Códigu postal |
325000 |
Xeografía | |
Coordenaes | 27°59′57″N 120°39′22″E |
![]() | |
Superficie | 12064.77 km² |
Demografía | |
Población | 9 572 903 hab. (2020) |
Porcentaxe |
14.83% de Zhejiang 0.66% de República Popular China |
Densidá | 793,46 hab/km² |
Más información | |
Prefixu telefónicu |
0577 |
Estaya horaria | UTC+08:00 |
Llocalidaes hermaniaes |
Gießen, Vigevano (es) ![]() ![]() ![]() ![]() ![]() |
wenzhou.gov.cn | |
![]() |
Foi un importante puertu de comerciu internacional qu'anguaño sigue abondo bien calteníu. La ciudá ye tamién conocida yá que ye'l llugar d'orixe de numberosos emigrantes que viven n'Europa y nos Estaos Xuníos. Los habitantes d'esta ciudá son xente entamador que rexenta restoranes o tiendes nos sos países d'adopción.
La ciudá prefeutura de Wenzhóu divídese'n 3 distritos, 2 ciudaes municipales y 6 condaos.
Distritos (区) | Población (2000) | Población (2010) | Área |
---|---|---|---|
Lucheng (鹿城区) | 875,006 | 1,293,300 | 294.38 |
Longwan (龙湾区) | 204,935 | 749,300 | 279 |
Ouhai (瓯海区) | 835,607 | 996,900 | 614.5 |
Ciudaes municipales | |||
Ruian (瑞安市) | 1,207,788 | 1,424,700 | 1271 |
Yueqing (乐清市) | 1,162,765 | 1,389,300 | 1174 |
Condaos | |||
Yongjia (永嘉县) | 722,390 | 789,200 | 2674 |
Pingyang (平阳县) | 740,448 | 761,700 | 1042 |
Cangnan (苍南县) | 1,167,589 | 1,184,600 | 1272 |
Dongtou (洞头县) | 96,744 | 87,700 | 100 |
Wencheng (文成县) | 264,878 | 212,100 | 1271 |
Taishun (泰顺县) | 279,799 | 233,400 | 1762 |
Wenzhóu, conocida tamién como Yongjia, tien una historia que se remonta al añu 2500 e.C. cuando se fixo conocida poles sos cerámiques. Nel sieglu II e.C. conocióse como "Reinu de Dong'ou". Mientres la dinastía Tang concedióse-y l'estatus de prefeutura; empezó a ser llamada pol so nome actual nel añu 675.
La ciudá desempeñó un importante papel económicu mientres la so historia, gracies a la situación del so puertu que dexaba l'accesu a los montes del interior de la provincia de Zhejiang. En 1876 la ciudá quedó abierta pal comerciu esterior del té anque enxamás se construyó nengún asentamientu estranxeru.
Mientres la guerra chinu-xaponesa de 1937-1942, Wenzhou convirtióse tamién nun puertu de crucial importancia yá que foi unu de los pocos que remaneció so'l control de los chinos. Nos últimos años de la guerra empezó a perder importancia que recuperó en 1955 al restablecese'l comerciu na mariña de Zhejiang. Na actualidá (2005) Wenzhou sigui siendo'l puntal económicu, políticu y cultural del sureste de Zhejiang.
La ciudá ta viviendo un auténticu puxu económicu. Esporta alimentos, té, madera y papel. Les sos principales industries son d'alimentación, papelera, materiales de construcción y maquinaria agrícola. Los productos alimenticios que se producen en Wenzhou son principalmente'l té y el vinu. L'alunita (mineral non metálicu que s'utiliza na fabricación d'aluminiu y fertilizantes) ye bien abondosu na zona. Wenzhou tien trés carauterístiques económiques principales: foi la primera en llanzar una economía de mercáu, tien la economía privada más activa de toa China y ye el rei de la empresa privada de too China. Empezó faciendo dineru coles falsificaciones de calzáu de cartón nel añu 1989. Consiguió conquistar el mercáu mundial de mecheros y botones nel 1990. Tien la mayoría de marques de prestíu de ropa y calzáu de China, y ye una ciudá independiente: nunca recibe subvención del gobiernu.
Los habitantes de Wenzhou falen l'idioma wu, un dialeutu del chinu igual que los habitantes de Hangzhou y Shanghai. L'aislamientu xeográficu añadió dellos falantes del dialeutu min del sur procedentes de la vecina provincia de Fujian. Esto provocó que l'idioma que se fala na ciudá ye un dialeutu que se describió como "desaxeradamente escéntricu".
Tien un clima templáu con una temperatura medio de 18º C. La media de lluvia añal ye de 1.800 mm. Asitiada na mariña del mar de China Meridional, la ciudá dispón de más de 350 quilómetros de mariña.
![]() ![]() | |||||||||||||
---|---|---|---|---|---|---|---|---|---|---|---|---|---|
Mes | Xin | Feb | Mar | Abr | May | Xun | Xnt | Ago | Set | Och | Pay | Avi | añal |
Temperatura máxima media (°C) | 12.2 | 12.4 | 15.3 | 20.6 | 24.7 | 28.3 | 32.2 | 31.9 | 28.8 | 24.8 | 20.1 | 15.2 | 22.2 |
Temperatura mínima media (°C) | 5.0 | 5.7 | 8.6 | 13.3 | 18.0 | 22.0 | 25.0 | 25.0 | 21.9 | 17.2 | 12.1 | 6.9 | 15.1 |
Precipitación total (mm) | 58.3 | 82.7 | 145.1 | 161.7 | 203.4 | 245.5 | 178.4 | 250.1 | 204.9 | 95.0 | 74.7 | 42.6 | 1742.4 |
Díes de precipitaciones (≥ 0.1 mm) | 13.5 | 14.8 | 19.0 | 18.4 | 18.4 | 18.1 | 14.7 | 16.6 | 13.4 | 10.3 | 9.4 | 8.1 | 174.7 |
Hores de sol | 113.2 | 90.5 | 96.4 | 119.5 | 122.0 | 126.9 | 214.8 | 213.3 | 166.2 | 157.0 | 138.2 | 148.0 | 1706.0 |
Humedá relativa (%) | 76 | 79 | 82 | 83 | 84 | 88 | 84 | 82 | 81 | 77 | 74 | 72 | 80.2 |
Fonte: China Meteorological Administration[1] |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.