políticu y profesor español From Wikipedia, the free encyclopedia
Vicent Marzà i Ibàñez (3 de marzu de 1983, Castellón de la Plana) ye un mayestru y políticu valencianu, diputáu nes Cortes Valencianes por Compromís y miembru del Bloc Nacionalista Valencià. Na IX llexislatura de la Xeneralidá Valenciana asumió la cartera d'Educación, Investigación, Cultura y Deporte. Anguaño ye'l conseyeru d'Educación, Cultura y Deporte.[2]
Vicent Marzà | |||||||
---|---|---|---|---|---|---|---|
16 xunetu 2024 - Distritu: España Eleiciones: Elecciones al Parlamento Europeo de 2024 (España) (es)
30 xunu 2015 - 13 mayu 2022 ← María José Catalá - Raquel Tamarit i Iranzo →
28 xunu 2015 - 27 xunu 2024 - Vicent Granel Cabedo (en) → Distritu: Castellón (es) Eleiciones: eleiciones a las Cortes Valencianes de 2015, eleiciones a las Cortes Valencianes de 2019, Elecciones a las Cortes Valencianas de 2023 (es) | |||||||
Vida | |||||||
Nacimientu | Castellón de la Plana, 3 de marzu de 1983 (41 años) | ||||||
Nacionalidá | España [1] | ||||||
Familia | |||||||
Padre | Vicent Marzà i Duch | ||||||
Estudios | |||||||
Estudios |
Universidá Xaime I Universidá de Valencia Universidad Ramon Llull (es) | ||||||
Llingües falaes |
castellanu catalán inglés | ||||||
Oficiu | políticu, profesor | ||||||
Creencies | |||||||
Partíu políticu |
Compromís Bloc Nacionalista Valencià | ||||||
Mayestru de les especialidaes d'inglés y francés d'oficiu, Vicent Marzà ye diplomáu en maxisteriu pola Universidá de Valencia y tien un máster en Lideralgu del Tresformamientu Socioeducativa pola Universidá Ramon Llull. Tamién tien estudios ensin concluyir n'Inxeniería Industrial pola Universidá Jaume I y l'Institut National des Sciences Appliquées de Lyon, onde tuvo un añu gracies al programa européu Euruji. Al acabar los sos estudios trabayó mientres 4 años como mayestru de Primaria ya Inglés nel CEIP Carles Salvador de Castelló de la Plana, nel CEIP Margarida Xirgu de Badalona y nel CEIP Gaetà Huguet de Castelló de la Plana. [3]
Nel apartáu social y políticu, Marzà formó parte de la xunta direutiva de la entidá cívica Escola Valenciana y ye militante del Bloc dende principios de los años 2000. Tamién ye miembru del conseyu xeneral de Compromís y mientres la VIII llexislatura foi'l so voceru por Castelló. Amás de valencianu y castellán (les sos llingües maternes), tamién fala inglés (anque non perbién) y francés, tal que se recueye nel so curriculum vitae.[4]
Tres les eleiciones a les Cortes Valencianes de 2015, celebraes el 24 de mayu, Compromís triplicó les sos resultancies llogrando 19 diputaos, siendo Vicent Marzà uno d'ellos. El pactu de gobiernu ente PSPV, Compromís y Podemos permitió la formación d'un gobiernu conocíu como Acord del Botànic, nel que Marzà entró como conseller d’Educació, Investigació, Cultura y Esport direutamente dende les aules, ensin ocupar nengún cargu políticu antes. [5]
Mientres esta llexislatura púnxose en marcha delles iniciatives como un aumentu del númberu de beques comedor, el descensu del ratio d'alumnos per aula y una mayor inversión por alumnu. [6] Tamién llevó a cabu un amenorgamientu del 15% nes tases universitaries [7] y la creación de "beques salario" [8].
Mientres esta llexislatura entamaron diversos proyeutos como'l el “Pla Edificant”, un plan de choque p'acabar cola situación de toos aquellos colexos que s'atopaben parcial o dafechu integraos en barracones (módulos prefabricaos). Esta iniciativa preve la construcción de más de 200 colexos y la reforma d'otros 500 a desenvolver ente los años 2018 y 2022, con un presupuestu inicial de 700 millones d'euros que, en 2019, foi ampliáu a un total de 1.000 millones d'euros [9]. A entamos de 2019 el númberu de poblaciones valencianes xuntaes a esti plan yera de 176 [10].
Pa combatir les dificultaes que munches families teníen pa mercar los llibros de testu , la Consellería de Vicent Marzà impulsó la creación del bancu de llibros gratuitos ‘Xarxa Llibres’ nos centros educativos, una midida de la que se llegaron a beneficiar cuasi 500.000 alumnos y alumnes.[11]
Más de 15.000 places gratuites pal tramu de 2 años foron creaes mientres los 4 años de la primer llexislatura de Vicent Marzà al mandu de la Consellería.[12]
Tres los retayos del anterior gobiernu de la Xeneralidá Valenciana, qu'afectaron a un total de 4.000 profesores [13], mientres la llexislatura de Vicent Marzà s'contrataron a más de 6.000 nuevos docentes, llegando a cifres más altes qu'enantes de los retayos n'educación d'anteriores gobiernos [14]. Amás diseñóse un calendariu d'oposiciones ente 2018 y 2021 con una ufierta total de 13.000 places pa desarrollar una política d'estabilidá de plantiyes nos centros educativos valencianos.[15]
Tres les eleiciones a les Cortes Valencianes de 2019, Vicent Marzà volvió a ser escoyíu como diputáu y foi nomáu Conseller d’Educació, Cultura i Esport, ensin la parte destinada a la investigación y universidaes.[16]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.