Una traenta[1] o paladientes[2] ye una llanza o forca de tres o más puntes, que n'Asturies viense usando como preséu agrícola. L'orixe de la pallabra traenta provién del llatín tridentis.
Foi utilizáu pa la pesca. N'Asturies, una ferramienta asemeyada a la paladientes vien usándose como arpón pa la pesca del salmón nos ríos, o pa recoyer xorra o pescar llinguaos y otros pexes asemeyaos na mar, y recibe'l nome de fisga.
Como arma, tamién foi utilizada polos retiarii, un tipu de gladiadores romanos, qu'utilizaben una rede pa envolver al so adversariu y una traenta pa matalu. Tamién s'usó como arma llanzable: pa estos casos, incluyíase un estabilizador cruzáu pa facilitar el so vuelu.
Simboloxía
Por mor del usu orixinal na pesca, la traenta asóciase davezu a Poseidón, el dios del mar na mitoloxía griega. Golpiando la tierra cola so traenta, Poseidón creó'l caballu y delles fontes d'agua en Grecia. Como símbolu, la traenta ye la figura central de la bandera de Barbados. La traenta ye tamién l'arma llanzable del dios hindú Shiva. Na tradición cristiana, la traenta asóciase al diañu. Yera l'arma del rei Tritón na película The Little Mermaid (que s'estrenó n'España col títulu de La Sirenita), de la productora Walt Disney Feature Animation (1989) y l'arma de Diana de la rede del PAX fecha pal telefilme Mermaids (2003).
Igualmente, la paladientes forma parte del logotipu de los automóviles de la marca italiana Maserati.
Tamién los superhéroes del cómic Blue Devil y Namor utilicen la traenta como arma.
Referencies
Enllaces esternos
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.