política británica From Wikipedia, the free encyclopedia
Theresa Mary May (de soltera Brasier; Eastbourne, 1 d'ochobre de 1956) ye una política británica, líder del Partíu Conservador y Unionista y primer ministra del Reinu Xuníu dende'l 13 de xunetu de 2016.[9] Ye la segunda muyer n'ocupar el cargu de primer ministra británica, dempués de Margaret Thatcher —tamién conservadora—, quien ocupó'l cargu ente 1979 y 1990.[10]
Miembru del Parllamentu británicu dende 1997 por Maidenhead, desempeñó dellos cargos dientro de los gabinetes na solombra de Iain Duncan Smith, Michael Howard y David Cameron, incluyendo'l de líder na solombra de la Cámara de los Comunes y secretaria na solombra d'Estáu pal trabayu y les pensiones. Foi amás presidenta del Partíu Conservador ente xunetu de 2002 y payares de 2003.[11]
Tres la victoria de los Conservadores, encabezaos por David Cameron, nes eleiciones xenerales de 2010, May foi nomada ministra del Interior y ministra de Muyer ya Igualdá, delegando l'últimu cargu en Maria Miller en 2012. Ye una de les persones que mientres más tiempu permaneció al frente del Ministeriu del Interior.[12] Mientres la so xestión como ministra, May caracterízase pola so política dura en materia d'inmigración, llucha contra'l terrorismu, vixilancia y abusos de menores.[13][14] Ente les sos decisiones más polémiques atópense la decisión de deportar al clérigu radical Abu Qatada, por negase a estraditar a los Estaos Xuníos al pirata informáticu Gary McKinnon o la so propuesta d'amenorgar cada añu en cien mil el númberu d'inmigrantes nel Reinu Xuníu.[15][16]
A finales de xunu de 2016, dempués de que Cameron anunciara qu'arrenunciaría al cargu de primer ministru antes d'ochobre de 2016 depués de los resultaos del referendu sobre la permanencia na Xunión Europea, May anuncio la so candidatura p'asocedelo, partiendo como favorita.[17] Darréu, tres l'arrenunciu d'Andrea Leadsom a la so candidatura como líder conservadora, quedó como única candidata, y por consiguiente foi nomada líder y asumió'l cargu de primer ministra'l 13 de xunetu de 2016, en presentando'l so predecesor la dimisión a la reina Isabel II.[18][19][20]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.