The Godfather Part II
From Wikipedia, the free encyclopedia
The Godfather Part II ye una película d'Estaos Xuníos de 1974 dirixida por Francis Ford Coppola, que sigue la película The Godfather, siendo la segunda parte d'una triloxía.
Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
Ye considerada como la meyor secuela de tolos tiempos y una de les poques segundes partes que anden a la tema cola so antecesora. L'escritor Mario Puzo repiti como guionista al llau del direutor y esta vegada afai la tema de la infancia y maduror de Vito Corleone, mientres afonda nos deberes de Michael como'l nuevu patriarca de la familia.
Al Pacino, Diane Keaton, John Cazale, Talia Shire y Robert Duvall tornen interpretando los sos roles de la película anterior, con Robert De Niro, Lee Strasberg, Bruno Kirby, John Aprea, Frank Sivero, G.D. Spradlin y Michael V. Gazzo completando'l repartu.
La película recibió aclamación universal de la crítica y dalgunos consideren que la so calidá ye entá mayor que la de la primer parte y foi calificada múltiples vegaes como una verdadera obra maestra.[ensin referencies]
Recibió 11 candidatures a los Premiu Óscar, ganando Meyor Película (la primer secuela en llogralo y la única en llogralo xunto a la so predecesora), Meyor Direutor (Francis Ford Coppola), Meyor Actor de Repartu (Robert De Niro), Meyor Guión Adautáu (Coppola y Mario Puzo), Meyor Direición Artística y Meyor Banda Sonora.
Nuna entrevista nel programa "Hollywood insiders" nel añu 1997, Francis Ford Coppola mentó que se-y ufiertó'l puestu como direutor a Martin Scorsese