![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/2/27/Subduction.svg/langast-640px-Subduction.svg.png&w=640&q=50)
Subducción
From Wikipedia, the free encyclopedia
La subducción de plaques ye'l procesu de fundimientu d'una zona oceánica d'una placa litosférica sol cantu d'otra placa nun llende converxente, según la teoría de tectónica de plaques. [1] La subducción asocede a lo llargo d'amplies zones de subducción que nel presente concéntrense especialmente na redolada del océanu Pacíficu, nel llamáu Cinturón de fueu del Pacíficu, [2] pero tamién hai zones de subducción en partes del mar Mediterraneu, les Antilles, les Antilles del Sur y la mariña índica d'Indonesia.
![Thumb image](http://upload.wikimedia.org/wikipedia/commons/thumb/4/41/Zona_de_subduccion_lmb.png/250px-Zona_de_subduccion_lmb.png)
La subducción ye causada por dos fuercies tectóniques, una que provién del emburrie de les dorsales meso-oceániques y otra que deriva del jale de bloques.[3]
La subducción provoca munchos terremotos[1] de gran magnitú los cualos aníciense na zona de Benioff. La subducción tamién causa la fusión parcial de parte del mantu terrestre xenerando magma que xube dando llugar a volcanes.[4]
L'ángulu de subducción, l'ángulu que forma'l planu de la zona de Benioff cola superficie terrestre, puede variar de cerca de 90° nes Marianes a tan solo 10° en Perú.[5]
La corteza oceánica que ta en camín de ser subducida na fuexa de les Marianes ye la corteza oceánica más antigua de la Tierra ensin cuntar ofiolites. La subducción empinada ta acomuñada a estensión de retroarco,[6] provocando la migración de corteza de los arcos volcánicos y fragmentos de corteza continetal dexando tras un mar marxinal.