From Wikipedia, the free encyclopedia
Spencer Bonaventure Tracy (5 d'abril de 1900, Milwaukee – 10 de xunu de 1967, Los Angeles) foi un actor d'Estaos Xuníos ganador de los premios Óscar y Globu d'Oru.[4]
Nació'l 5 d'abril de 1900 en Milwaukee, Wisconsin, segundu fíu d'un vendedor de camiones y una ama de casa d'oríxenes irlandeses. Na Marquette Academy conoz al actor Pat O'Brien y xuntos abandonen los estudios p'apuntase en La Marina,[4] Tracy tien 17 años. Suaña con entrar en combate, pero cuando la Primer Guerra Mundial acaba, Tracy sigue nuna base de la marina d'Estaos Xuníos en Virginia. Decide retomar los sos estudios y nel Ripon College participa per primer vegada nuna representación teatral; la esperiencia estéla-y. Decide ser actor y en compañía d'O'Brien viaxa a Nueva York pa estudiar arte dramático. Los dos debuten na obra R.O.R, en 1923, interpretando a un robot mudu; nesti mesmu añu contrái matrimoniu con Luise Treadwell.[4]
El tiempu pasa y Tracy ábrese camín en Broadway, ye afayáu por John Ford mientres interpreta The last mile, el so mayor ésitu nel teatru. Debuta con él en Up the river en 1930, y nos sos trés primeros años en Hollywood protagoniza 16 películes. En 1935 firma cola Metro-Goldwyn-Mayer un contratu n'esclusiva, y ellí va faer la mayor parte de la so carrera.
Gana dos Premios de l'Academia consecutivos al meyor actor en 1937 y 1938 por Captains Courageous y Boys Town, pero ye escoyíu en 7 ocasiones más pal premiu.
Tracy realizó a lo llargo de la so carrera impresionantes interpretaciones como les de El poder y la gloria, Fury, Dr. Jekyll and Mr. Hyde, Adam's Rib, Woman of the Year, The Last Hurrah.
Tracy tuvo siempres una complexa personalidá, duru, secu, apasionáu, alcohólicu, espurechu en pallabres, prefirió la infidelidá al divorciu por cuenta de la so educación católica. Casáu dende 1923 hasta la so muerte en 1967 con Louise Treadwell, de la que tuvo dos fíos. Tuvo dos romances públicos, unu fugaz cola actriz Loretta Young nos años 30 y una llarga y complicada rellación cola actriz Katharine Hepburn, a partir de 1941. Cuando dambos conocieron él yá yera alcohólicu y diabético pero la so rellación personal y profesional duró hasta la muerte de Tracy.
Finó'l 10 de xunu de 1967, a la edá de 67 años, dos selmanes dempués d'acabar el rodaxe de "Guess Who's Coming to Dinner".[4] Siendo alcohólicu, diabético y con enfisema pulmonar, la causa final de la so muerte foi un ataque al corazón. Por respetu a la so esposa y familia, Katharine Hepburn nun allegó al funeral.
|
|
Añu | Categoría | Película | Resultáu |
---|---|---|---|
1967 | Óscar al meyor actor | Guess Who's Coming to Dinner | Candidatu |
1961 | Óscar al meyor actor | Vencedores o vencíos | Candidatu |
1960 | Óscar al meyor actor | L'heriedu del vientu | Candidatu |
1958 | Óscar al meyor actor | El vieyu y el mar | Candidatu |
1955 | Óscar al meyor actor | Combalechadura del silenciu | Candidatu |
1950 | Óscar al meyor actor | El padre de la novia | Candidatu |
1938 | Óscar al meyor actor | Boys Town | Ganador |
1937 | Óscar al meyor actor | Captains Courageous | Ganador |
1936 | Óscar al meyor actor | San Francisco | Candidatu |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.