Shelley Winters
From Wikipedia, the free encyclopedia
Shirley Schrift, conocida como Shelley Winters, (18 d'agostu de 1920, East St. Louis (es) – 14 de xineru de 2006, Beverly Hills) foi una actriz d'Estaos Xuníos de cine. Ganó dos premios Óscar como meyor actriz de repartu, en dambos casos interpretando'l papel de madre en The Diary of Anne Frank (1959) y en A Patch of Blue (1965).
Participó en películes de xéneros bien desemeyaos; ente elles el western Winchester '73 y el clásicu Lolita (1962) de Stanley Kubrick. Unu de los sos papeles más populares foi en 1977 na película Pete's Dragon, na qu'interpretaba a una señora con pinta de bruxa mala. Amás participó na aclamada película The Poseidon Adventure.
Amás d'en películes, Winters tamién apaeció en televisión, incluyendo dellos años na comedia de situación Roseanne, y también ye autora de tres llibros autobiográficos.
Finó'l 14 de xineru de 2006 a los 85 años d'edá d'un fallu cardiacu nel Rehabilitation Center de Beverly Hills.[8]