From Wikipedia, the free encyclopedia
Sesame Street ye una serie de televisión educativa d'Estaos Xuníos empobinada a los neños n'edá preescolar y pionera nel estándar educativu de la televisión contemporánea, combinando la educación y l'entretenimientu. Sesame Street ye bien conocida polos sos personaxes, The Muppets, marionetes creaes por Jim Henson.
Sesame Street | |
---|---|
Datos | |
Títulu orixinal | Sesame Street |
Xéneru | comedia-sketch, serie de televisión infantil, televisión educativa, puppet show (en) y entretenimietu educativu |
País d'orixe | Estaos Xuníos |
Idioma orixinal | inglés |
Duración | 25 min. |
Direición | John R. Dilworth y Stan Lathan |
Compositor | Joe Raposo |
Númberu de temporaes | 54 |
Númberu d'episodios | 4666 |
Repartu |
ver
|
Personaxes |
ver
|
Llista de personaxes | list of human Sesame Street characters (en) , list of animated Sesame Street characters (en) , list of Sesame Street Muppets (en) y list of Sesame Street international co-production characters (en) |
Primer emisión | 10 de payares de 1969 |
Emisora orixinal |
HBO National Educational Television (es) Public Broadcasting Service Cinemax |
Productora | Sesame Workshop y Children's Television Workshop (en) |
Distribuidora | HBO Max (es) y Hulu |
Llistes rellacionaes | |
Obres rellacionaes | Sesamstraat, Ernest and Bertram (en) , Barrio Sésamo, Sesam stasjon y Sesamstraße |
Premios |
ver
|
Web oficial | |
La so primer emisión nos Estaos Xuníos foi'l 10 de payares de 1969 pola cadena pública National Educational Television (actual Public Broadcasting Service), llegando a un total 4.378 episodios na so temporada 37, convirtiéndolu nel programa pa neños más duraderu de tola historia de la televisión.[1]
Esti programa usa un amiestu de títeres, animación y aición qu'enseñen a los neños pequeños llectura y aritmética básiques, colores, lletres, númberos o los díes de la selmana. Tamién inclúi seiciones que se centren n'habilidaes básiques, como'l cruciar la cai con seguridá, la importancia de la hixene básica, etc. Munches de les seiciones del programa son parodies o copies d'otros programes televisivos convencionales.
Inclúin a lo llargo del programa dellos elementos d'humor menos infantiles p'animar a los adultos a ver el programa colos neños, faciéndolo asina aptu pa toles edaes.
Ye un programa viviegamente multicultural ya intenta incluyir roles y personaxes de toa mena, incluyendo discapacitaos, nuevos y mayores y persones de diverses races, daqué llamativu pa la dómina. Mientres dalgunes de les marionetes aseméyense a les persones, otres son animales o «bisarmes» de tamaños y colores arbitrarios. El programa anima a los neños a dase cuenta de qu'hai xente de toles formes, tamaños y colores y que nun hai un 'tipu' físicu meyor qu'otru.
Caún de los títeres foi creáu pa representar una etapa o elementu específicu de la neñez temprana, y los guiones escritos pa que los personaxes reflexen el desenvolvimientu d'un neñu de determinada edá. Esto ayuda al programa a cubrir non solamente los oxetivos de deprendizaxe de distintos niveles madurativos, sinón tamién les esmoliciones, mieos ya intereses de neños y neñes de distintes edaes.
Arriendes de la retresmisión mundial del programa, empezaron a apaecer nel mundu versiones llocales afeches a les necesidaes y realidaes de cada país o rexón, siendo les primeres versiones en surdir la brasilana y la mexicana. Dalgunes d'estes versiones cuntaben colos sos propios personaxes.
Dacuando, les versiones internacionales de los programes emitieron partes que nun son consideraes aceptables en tolos países. En 2002, anuncióse que diba introducise un personaxe seropositivu en Takalani Sesame, la versión sudafricana. Esto foi consideráu crucial pa una zona onde'l sida ye una epidemia, pero la situación nun foi presentada claramente pelos medios de comunicación, y munchos albidraron de que'l personaxe sería tamién introducíu nes versiones d'otros países, llevantando un discutiniu nos EE.XX. con al respective de los fondos públicos pa unu tema tan revesosu.
En Nueva Zelanda, produzse un segmentu llocal tituláu Korero Māori (¡Vamos falar Māori!).
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.