Rupert Grint
From Wikipedia, the free encyclopedia
Rupert Alexander Lloyd Grint (24 d'agostu de 1988, Harlow) ye un actor británicu, conocíu por interpretar a Ron Weasley na serie de películes de Harry Potter. Llogró dichu papel a los once años, dempués de participar enantes solo n'obres de teatru escolares y grupos de teatru locales.[3] Protagonizó, xunto a Daniel Radcliffe y Emma Watson, los ocho películes de la serie cinematográfica.[4]
Rupert Grint | |
---|---|
Vida | |
Nacimientu | Harlow, 24 d'agostu de 1988[1] (35 años) |
Nacionalidá | Reinu Xuníu |
Residencia | Watton-at-Stone (en) |
Llingua materna | inglés británicu |
Familia | |
Pareyes | Georgia Groome |
Fíos/es | 1 |
Estudios | |
Estudios | Richard Hale School (en) |
Llingües falaes | inglés[2] |
Oficiu | actor, actor de cine, actor infantil, actor de voz, actor de teatru, actor de televisión |
Altor | 173 cm |
Trabayos destacaos | Harry Potter (es) |
IMDb | nm0342488 |
Realizó la so primer apaición fora de Harry Potter nel llargumetraxe Thunderpants empobináu por Pete Hewitt y estrenáu el 24 de mayu de 2002. Protagonizó la comedia dramática Driving Lessons, estrenada'l 8 de setiembre de 2006, onde compartió repartu con Julie Walters, actriz qu'encarnó a Molly Weasley —madre del personaxe de Grint— na saga de películes de Harry Potter,[5] y Cherrybomb (2009), una cinta de baxu presupuestu de llanzamientu llindáu. Amás coprotagonizó la comedia Wild Target, xunto a Bill Nighy y Emily Blunt. El so primer proyeutu depués del final de la saga Harry Potter asocedió en 2012, cola cinta antibélica Into the White.[6]
En 2013 protagonizó la obra de teatru Mueyo, del dramaturgu Jez Butterworth, nel Harold Pinter Theatre de Londres.[7] Al añu siguiente debutó en Broadway, cola obra It's Only a Play, nel teatru Gerald Schoenfeld, xunto a F. Murray Abraham y Megan Mullally, ente otros.[8]