![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/a/a5/Palaciu_Camposagrado_Ria%25C3%25B1u.jpg/640px-Palaciu_Camposagrado_Ria%25C3%25B1u.jpg&w=640&q=50)
Riañu
parroquia del conceyu de Llangréu (Asturies) / From Wikipedia, the free encyclopedia
Riañu[2] ye una parroquia del conceyu asturianu de Llangréu. Asitiada na zona noroccidental del mesmu, llenda col conceyu de Siero al norte, col d'Uviéu al este, cola parroquia llangreana de La Venta al sur y coles de Lada y Barros al este. La so parte urbana conforma'l distritu de Riañu, ún de los seis qu'integren la ciudá de Llangréu, capital del conceyu. Amás del polígonu, del qu'hemos falar dempués, pertenecen a la parroquia les caseríes de Barripiés, Bovia, La Cabaña, El Campanal, La Riera y L'Azorera; les aldees de Vaoto, Los Campones, Cataldonce, El Corro, La Cuesta'l Viso, La Fernosa, Llodero, La Paerna, La Piñera, La Rionda, Los Sotos, La Tabierna, El Tarroneru, Viesques, El Viso, y Zanceo y los llugares de Candaneo, Frieres, Peñarrubia y Villa. La estensión de la parroquia, que la so ilesia ta dedicada a San Martín, ye de 11,23 km², y la so población, escluyíos los habitantes del distritu urbanu, qu'apaecen nes estadístiques axuntaos a los de los otros distritos, ye de 436 habitantes (2010).
![]() | |
---|---|
![]() | |
Alministración | |
País | ![]() |
Autonomía | ![]() |
Provincia | ![]() |
Conceyu | ![]() |
Partíu xudicial | Llangréu |
Tipu d'entidá | parroquia d'Asturies |
Xeografía | |
Coordenaes | 43°19′54″N 5°43′03″W |
Superficie | 11.23 km² |
Altitú | 219 m[1] |
Llenda con | Barros, Lada, La Venta, Veguín, La Paranza, Santa Marina, Santa Marina, Hevia y Lluniego |
Demografía | |
Población | 436 hab. (2010) |
Porcentaxe |
1148.91% de Llangréu 43.12% de provincia d'Asturies 43.12% de Principáu d'Asturies 0.92% de España |
Densidá | 38,82 hab/km² |
Más información | |
Estaya horaria | UTC+01:00 |
![]() |
El polígonu residencial de Riañu entamó a proyectase en 1965 como un polígonu de viviendes obreres que permitieran vivir a la xente nun entornu más llimpiu que La Felguera, daquella enforma contaminada. Magar que la urbanización de la zona fízose d'aquella, l'entamu del declive industrial retrasó la construcción de viviendes hasta 1972. Nos primeros años ficiéronse unes 1.200, y delles más nos años vinientes. La traza del polígonu, el primeru d'Asturies con esa estructura, correspuéndese col modelu conocíu como open planning, con torres individualizaes y bloques abiertos arrodiaos de xardinos, too ello con un planu xeneral radial. Los servicios, inesistentes a lo primero, foron creándose al pasar del tiempu, gracies sobre too a les protestes continues de los vecinos. Nelli ta l'Hospital Valle del Nalón, que da serviciu al área sanitaria VIII, qu'abarca tolos conceyos de la cuenca alta del Nalón. A la so vera hai tamién tres polígonos industriales, oficialmente conocíos como Riañu I, II y III.