![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/7/7e/M%25C3%25A9moires_de_la_Soci%25C3%25A9t%25C3%25A9_g%25C3%25A9ologique_de_France_%2528IA_meymoiresdelaso00socig%2529.pdf/page1-640px-M%25C3%25A9moires_de_la_Soci%25C3%25A9t%25C3%25A9_g%25C3%25A9ologique_de_France_%2528IA_meymoiresdelaso00socig%2529.pdf.jpg&w=640&q=50)
Revolución industrial
From Wikipedia, the free encyclopedia
La Revolución industrial foi un periodu históricu comprendíu ente la segunda metá del sieglu XVIII y principios del sieglu XIX, nel que Gran Bretaña de primeres[1], y el restu d'Europa continental dempués, sufren el mayor conxuntu de tresformamientos socioeconómicos, teunolóxicos y culturales de la historia de la humanidá, dende'l neolíticu.
Revolución industrial | ||||
---|---|---|---|---|
periodu históricu | ||||
desarrollo económico (es) ![]() | ||||
![]() | ||||
| ||||
![]() |
![Thumb image](http://upload.wikimedia.org/wikipedia/commons/thumb/9/9e/Maquina_vapor_Watt_ETSIIM.jpg/640px-Maquina_vapor_Watt_ETSIIM.jpg)
La economía basada nel trabayu manual trocóse por otra dominada pola industria y la manufactura. La Revolución entamó cola mecanización de les industries testiles y el desenvolvimientu de los procesos del fierro. La espansión del comerciu tuvo favorecida pola meyora de les rutes de tresportes y darréu pola nacencia del ferrocarril. Les innovaciones teunolóxiques más importantes foron la máquina de vapor y la denomada Spinning Jenny, una potente máquina rellacionada cola industria testil. Estes nueves máquines favorecieron enormes medríes na capacidá de producción. La producción y desenvolvimientu de nuevos modelos de maquinaria nes dos primeres décades del sieglu XIX facilitó la manufactura n'otres industries y espoxigó tamién la so producción.
Asina ye que na Revolución industrial auméntase la cantidá de productos y amenorga'l tiempu nel qu'estos se faen, dando pasu a la producción en serie, yá que se simplifiquen xeres complexes, en delles operaciones cencielles que pue facer cualquier obreru ensin necesidá de que seya mano d'obra cualificada, y d'esta miente baxar costos en producción y alzar la cantidá d'unidaes producíes sol mesmu costu fixu.