![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/f/f2/SkaraBraeJM.jpg/640px-SkaraBraeJM.jpg&w=640&q=50)
Neolíticu
From Wikipedia, the free encyclopedia
El Neolíticu (del griegu νέος, néos: ‘nuevu’, y λίθος, líthos: ‘piedra’), o Edá de Piedra Nueva o Pulida, ye unu de los periodos en que se considera estremada la Edá de Piedra. El términu foi acuñáu por John Lubbock na so obra Prehistoric Times (1865).
![Thumb image](http://upload.wikimedia.org/wikipedia/commons/thumb/b/b5/European-middle-neolithic-es.svg/640px-European-middle-neolithic-es.svg.png)
Primeramente dióse-y esti nome en razón de los afayos de ferramientes de piedra apolazada, en cuenta de tallada; esto ye, en cuenta de cutida, que yera menos resistente,[1] que paecíen acompañar al desenvolvimientu y espansión de l'agricultura. Anguaño defínese'l Neolíticu precisamente en razón de la conocencia y usu de l'agricultura o del llendo. De normal, pero non necesariamente, va acompañáu pol trabayu de l'alfarería.