Real Unión Club
From Wikipedia, the free encyclopedia
El Real Unión Club ye un club de fútbol español de la ciudá d'Irún, Guipúzcoa, que milita na Segunda División B, tercer categoría del fútbol nacional. Foi fundáu'l 15 de mayu de 1915, a partir de la fusión del «Irún Sporting Club» col «Racing Club de Irún». El so primer equipu apuesta los sos partíos como llocal nel Stadium Gal, con capacidá de 6.344 espectadores.
Real Unión Club | |||
---|---|---|---|
Situación | |||
Estáu | España | ||
Datos | |||
Nome oficial | Real Unión Club S. A. D | ||
Tipu | club de fútbol | ||
Fundáu en | 15 mayu 1915 | ||
Propietariu | Unai Emery (es) | ||
Entrenador | Iñaki Goikoetxea | ||
Categoría | Primer Federación | ||
Instalaciones | |||
Estadiu | Stadium Gal (es) | ||
Dueñu de | Unai Emery (es) | ||
Uniforme | |||
| |||
Web oficial | |||
El Real Unión ye un club históricu, foi unu de los diez clubes fundadores del Campeonatu Nacional de Lliga en 1929 y tien cuatro títulos de Copa del Rei. Magar ello, namái apostó cuatro temporaes en Primer División. La so dómina dorada llegó hasta principios de los años 1930, cuando'l profesionalismo entró nel mundu del fútbol y los clubes de les capitales de provincia, como la Real Sociedad en Guipúzcoa, predominaron sobre'l restu.
L'escudu del club varió bien pocu dende la so fundación y consiste nun círculu nel que s'atopen les iniciales «O», «C» y «I», cola corona real na so parte cimera, ente que l'uniforme tradicional del club ye camiseta blanca y pantalón y medies negres.[1] Hai de solliñar que'l primer gol del primer partíu internacional na historia de la seleición española, apostáu nos Xuegos Olímpicos d'Amberes, marcar el 28 d'agostu de 1920 ante Dinamarca, el xugador irundarra Patricio Arabolaza.