Radiación de Hawking
From Wikipedia, the free encyclopedia
La radiación de Hawking ye un tipu de radiación producida nel horizonte de sucesos d'un furacu negru y debida dafechu a efeutos de tipu cuánticu. La radiación de Hawking recibe'l so nome del físicu británicu Stephen Hawking, quien postuló la so esistencia per primer vegada en 1976 describiendo les propiedaes de tal radiación y llogrando dalgunos de les primeres resultancies en gravedá cuántica. El trabayu de Hawking foi posterior a la so visita a Moscú en 1973, onde los científicos rusos Yákov Zeldóvich y Alekséi Starobinski demostráronlu que, acordies con el principiu d'incertidume de la mecánica cuántica, los furacos negros en rotación tendríen de crear y emitir partícules.[1]
Darréu Paul Davies[2] y Bill Unruh[3] probaron qu'un observador aceleráu o observador de Rindler nun espaciu-tiempu planu de Minkowski tamién detectaría radiación de tipu Hawking.