From Wikipedia, the free encyclopedia
El Puertu de Mogadixu, tamién conocíu como Puertu Internacional de Mogadixu,[1] ye'l puertu oficial de Mogadixu, capital de Somalia. Clasificáu como puertu de primera categoría,[2] ye'l mayor del país.[3]
Puertu de Mogadixu | |
---|---|
puertu | |
Llocalización | |
Coordenaes | 2°02′N 45°20′E |
Dende la dómina del Imperiu romanu esistió un puertu llamáu Sarapion no qu'agora se conoz como Mogadixu. Sicasí, mientres la Edá Media el tamañu del puertu yera amenorgáu y solo cobró relevancia cola llegada de los italianos en 1890, que crearon un puertu con estándares modernos. De magar, foi amontando la so capacidá hasta convertise nel más importante de Somalia y unu de los más grandes nel Cuernu d'África.
El puertu modernizáu de los italianos llamábase Porto di Mogadixu. El gobiernu de la Somalia italiana creó muelles a finales de 1920. En 1930 construyóse un dique ruempefoles frente a l'ampliación del puertu,[4] conectáu por un ferrocarril al interior de Somalia y por una "carretera imperial" hasta Adís Abeba.[5]
El puertu del Mogadixu italianu esportó en 1934 43 467 productos agrícoles (sobremanera bananas) escontra Italia y Europa. Pa esti serviciu usaben buques de carga llamaos "RAMB" (construyíos cola posibilidá de convertise en cruceru auxiliar). El Ramb II foi un barcu bananero basáu en Mogadixu. Foi'l segundu d'una serie de cuatro buques que compartíen diseñu: el Ramb I, el Ramb III, y el Ramb IV. Los cuatro yeren propiedá de la Compañía Real del Monopoliu Bananero ("Regia Azienda Monopoliu Banane") pa tresportar bananas esfrecíes de Somalia a Italia.
Dende 1936 el puertu cuntó con una llinia de pasaxeros internacional selmanal que conectaba Mogadixu con Massaua n'Eritrea y Xénova n'Italia coles italianes Lloyd Triestino y Italian Line.[6] El MS Vulcania yera un tresatlánticu que sirvía al puertu de Mogadixu. En 1941 el puertu sufrió daños por causa de la Segunda Guerra Mundial.
Mientres los 1960 el Cuerpu d'Inxenieros del Exércitu de los Estaos Xuníos realizó meyores nel puertu.[7]
Mientres la guerra civil sufrió daños, polo que'l gobiernu federal creó'l Proyeutu de Rehabilitación del Puertu de Mogadixu,[1] una iniciativa pa reconstruyir, desenvolver y modernizar el puertu.[3] La renovación incluyó la instalación de teunoloxía Alpha Logistics. Una delegación internacional conxunta ente los puertos de Xibuti y autoridaes chines especializaes en reconstrucción d'infraestructures visitaron les instalaciones en xunu de 2013. Según el direutor del puertu, Abdullahi Ali Nur, los delegaos y les autoridaes somalines fueron informaos sobre les funciones del puertu y les etapes del proyeutu de reconstrucción.[3][8]
N'ochobre de 2013, el gobiernu federal llegó a un alcuerdu cola compañía turca Al-Bayrak pa dirixir el puertu por un periodu de 20 años. El Ministeriu de Puertos y Obres Públiques ratificó l'alcuerdu y asignó a Al-Bayrak la xera de reconstrucción y modernización de les instalaciones.[9] En setiembre de 2014, el trespasu de la direición a Al-Bayrak fíxose efectivu. El costu del proyeutu de modernización ye de 80 millones de dólares.[10]
En 2013, la direición del puertu llegó a un alcuerdu con representantes de la compañía iranina Simantech Shipping LLC por que se encargara de les operaciones de la instalación. El nome de la compañía ye Terminal de Contenedores del Puertu de Mogadixu y encárgase de les funciones operatives y téuniques del mesmu.[3]
N'ochobre de 2013, el gobiernu federal llegó a un alcuerdu cola compañía turca Al-Bayrak pa dirixir el puertu por un periodu de 20 años. El Ministeriu de Puertos y Obres Públiques ratificó l'alcuerdu y asignó a Al-Bayrak la xera de reconstrucción y modernización de les instalaciones.[9] En setiembre de 2014, el trespasu de la direición a Al-Bayrak fíxose efectivu. El costu del proyeutu de modernización ye de 80 millones de dólares.[10]
El direutor de la compañía turca, Ahmed Salim, indicó al roblar l'alcuerdu que'l 55% de los ingresos del puertu van dir al gobiernu somalín y el restante 45% va quedar la empresa. Aun así, les autoridaes somalines esperen doblar l'importe d'ingresos que lleguen al gobiernu federal dende'l puertu d'esta manera.
Según Al-Bayrak, la mayoría de los ingresos van ser reinvertidos nel puertu con nuevos muelles, materiales de construcción y maquinaria. La compañía entama instalar un circuitu zarráu de televisión d'alcuerdu a los protocolos internacionales de seguridá. Tamién va construyir un edificiu alministrativu y va llimpiar les canales d'entrada con vixilancia subacuática. En setiembre de 2014, la primer fase de la renovación yá terminara y empezárase cola segunda fase.[11] Mientres el primer mes so la direición d'Al-Bayrak, el puertu xeneró 2,7 millones de dólares d'ingresos por servicios.
La creciente demanda d'esportación de carne somalino y los alcuerdos comerciales billaterales con países como Exiptu, Arabia Saudita, Emiratos Árabes Xuníos, Turquía, Kuwait, Irán, Qatar y Omán amontaron la esportación de ganáu pol puertu de Mogadixu. En 2015, Somalia esportó una cifra récor de 5 millones de cabeces de ganáu, un 6% más qu'en 2014, gracies a la relativa estabilidá y al enfotu inversora nel país.
En 2014, una consignataria de buques de Dubái anunció que s'instalaría nel puertu y en 2015 la African Shipping Line de Kenia consiguió rexistrase como axencia consignataria nel puertu de Mogadixu, col enfotu de aprovir de servicios de seguridá marítima, movimientu de contenedores y conseñamientu de buques.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.