Premios Óscar de 2017
From Wikipedia, the free encyclopedia
La 89ª entrega de los Premios Óscar, presentaos pola Academia de les Artes y les Ciencies Cinematográfiques (AMPAS) a los meyores filmes de 2016, llevóse a cabu'l 26 de febreru de 2017 nel Dolby Theatre de Los Angeles dende les 17:30 PT. Mientres la ceremonia apurrieron los Premios de l'Academia (popularmente conocíos como los «Óscar») en 24 categoríes. Foi televisada nos Estaos Xuníos pola ABC, producida por Michael De Luca y Jennifer Todd,[1][2] y presentada por Jimmy Kimmel per primer vegada.[3]
89ª entrega de los Premios Óscar | |||||
---|---|---|---|---|---|
Premiu a | La escelencia en llogros cinematográficos | ||||
Presentáu por | Jimmy Kimmel | ||||
Fecha | 26 febreru 2017 | ||||
Númberu d'edición | 89 | ||||
Llocalización | Dolby Theatre, Hollywood y California Estaos Xuníos | ||||
Anfitrión | Jimmy Kimmel | ||||
Destacao | |||||
Más premios | La La Land (6) | ||||
Más candidatures | La La Land (14) | ||||
Meyor película | Moonlight | ||||
Meyor actriz | Emma Stone | ||||
Meyor actor | Casey Affleck | ||||
| |||||
Sitiu oficial | |||||
[editar datos en Wikidata] |
El premiu a la «Meyor película» foi pa Moonlight, que foi gallardoniada dempués d'un error d'organización, cuando los actores Warren Beatty y Faye Dunaway, encargaos de proclamar la ganadora, lleyeron un sobre equivocáu dando por vencedora a La La Land. Esta foi la primer ocasión nos 89 años d'historia de los premios que se produció una equivocación al entregar una estatuina.[4] La La Land llogró la mayor cantidá de nominaciones (14), y la mayor cantidá de premios (6).
N'eventos rellacionaos, el 12 de payares de 2016, l'Academia celebró la octava ceremonia de los Annual Governors Awards nel Grand Ballroom del Hollywood and Highland.[5] El 11 de febreru de 2017, John Cho y Leslie Mann presentaron los premios Científicos y Téunicos, que fueron apurríos nuna ceremonia nel Beverly Wilshire Hotel de Beverly Hills, California.[6]