políticu paquistanín (1943–2023) From Wikipedia, the free encyclopedia
Pervez Musharraf (urdú: پرویز مشرف; 11 d'agostu de 1943, Delhi – 5 de febreru de 2023, American Hospital Dubai (en) 
) foi un políticu paquistaní. Foi presidente y xefe del exércitu de Paquistán ente 2001 y 2008, n'asumiendo'l poder el 12 d'ochobre de 1999 per aciu un golpe d'estáu nel que nun se producieron víctimes.
Pervez Musharraf | |||||||||||
|---|---|---|---|---|---|---|---|---|---|---|---|
.jpg) | |||||||||||
20 xunu 2001 - 18 agostu 2008 ← Muhammad Rafiq Tarar - Muhammad Mian Soomro →
12 ochobre 1999 - 21 payares 2002 ← Nawaz Sharif - Zafarullah Khan Jamali →
12 ochobre 1999 - 23 ochobre 2002 ← Nawaz Sharif - Rao Sikandar Iqbal →
8 ochobre 1998 - 7 ochobre 2001 ← Jehangir Karamat - Aziz Khan →
6 ochobre 1998 - 28 payares 2007 ← Jehangir Karamat - Ashfaq Parvez Kayani (es) → | |||||||||||
| Vida | |||||||||||
| Nacimientu | Delhi, 11 d'agostu de 1943[1] | ||||||||||
| Nacionalidá |
Raj británicu (1943 - 1947) Paquistán (1947 - 2023) | ||||||||||
| Residencia |
Delhi Karachi Ankara | ||||||||||
| Llingua materna | urdú | ||||||||||
| Muerte |
American Hospital Dubai (en) , 5 de febreru de 2023[2] (79 años) | ||||||||||
| Causa de la muerte |
amiloidosis (es) [3] | ||||||||||
| Familia | |||||||||||
| Casáu con | Sehba Musharraf (1968 – m. 2023) | ||||||||||
| Hermanos/es |
Javed Musharraf[4]
| ||||||||||
| Estudios | |||||||||||
| Estudios |
Forman Christian College (en) Royal College of Defence Studies National Defence University (en) Academia Militar de Paquistán (es) Secundaria de San Patricio (es) (1957 - 2023) | ||||||||||
| Llingües falaes |
urdú inglés turcu[5] | ||||||||||
| Oficiu | políticu, financieru, militar | ||||||||||
|
Participante
| |||||||||||
| Emplegadores |
Escuela de Comando y Estado Mayor de Pakistán (es) National Defence University (en) Exércitu de Paquistán | ||||||||||
| Premios |
ver
| ||||||||||
| Serviciu militar | |||||||||||
| Cuerpu militar | Exércitu de Paquistán | ||||||||||
| Graduación | xeneral | ||||||||||
| Lluchó en |
Guerra indo-pakistaní de 1965 (es) Guerra indo-pakistaní de 1971 Conflictu de Baluchistán Guerra nel noroeste de Paquistán Golpe de Estado en Pakistán de 1999 (es) guerra civil afgana (es) Conflictu de Siachen Guerra de Kargil (es) | ||||||||||
| Creencies | |||||||||||
| Relixón | islam | ||||||||||
| Partíu políticu |
All-Pakistan Muslim League (en) (de 2010 a 2023) Liga Musulmana de Pakistán (es) (hasta 2010) | ||||||||||
| IMDb | nm1519635 | ||||||||||
| generalpervezmusharraf.com | |||||||||||
 | |||||||||||
Nació'l 10 d'agostu de 1943 en Delhi, Raj Británicu, y tres la partición del país asiáticu en 1947 treslladóse cola so familia a la ciudá de Karachi (Paquistán).
Ente 1949 y 1956, Musharraf vivió en Turquía, onde'l so padre foi unviáu como diplomáticu. Ellí recibió los sos primeros años d'educación, que depués completaría en colexos cristianos de Paquistán como'l San Patriciu en Karachi, y Formen en Lahore.
En 1961 ingresó na Academia Militar de Paquistán y en 1964, en graduándose como suboficial, foi destináu a un reximientu d'artillería col que participó na segunda guerra indo-paquistanina de 1965, centrada nel territoriu de Caxmir. Foi condecoráu cola medaya al valor.
En 1971 participó na nueva guerra con India bastiada pola secesión de Bangladex, l'antiguu Paquistán Oriental, como comandante de compañía nun batallón de comandos. En 1991 foi alzáu a xeneral de brigada d'infantería, en 1993 sirvió como direutor d'operaciones militares nel cuartel xeneral del exércitu y en 1995 recibió'l galón de teniente xeneral y el mandu d'un prestixosu cuerpu d'élite del exércitu.
Participó en dos guerres escontra la India a lo llargo de la so carrera militar y en presidiendo l'Altu Mandu del exércitu paquistaní encabezó'l golpe d'estáu de 1999 escontra de Nawaz Sharif, al cual condergó a un arrestu domiciliariu. El 20 de xunu de 2001 convirtióse oficialmente nel presidente de la nación y tres los atentaos del 11 de setiembre de 2001 convirtióse nunu de los principales aliaos de los Estaos Xuníos na so llucha escontra'l terrorismu.
Musharraf foi reelixíu como presidente el 6 d'ochobre de 2007, según informó'l gobiernu llocal, anque la resultancia definitiva va confirmase cuando'l Tribunal Supremu falle sobre la llegalidá del procesu.[6] Un día dempués de ser reelixíu, el 7 d'ochobre, atacó los santuarios talibanes del norte de Paquistán.[7]
El 29 de payares de 2007, dempués de que'l Tribunal Supremu va validar les eleiciones y Musharraf abandonara'l so cargu como Xefe de les Fuercies Armaes, xuró'l so cargu como Presidente del país pa un mandatu de cinco años.
El 3 de payares de 2007, Musharraf declaró'l estáu d'esceición nel país poles inxerencies xudiciales». Xustificó la decisión porque «el sistema gubernamental del país taba paralizáu poles inxerencies xudiciales» y pola mor del choque ente les instituciones gubernamentales y el sistema xudicial», polo que se rique d'un «nuevu orde constitucional provisional». Nun comunicáu emitíu en televisión, Musharraf afirmó qu'esperaba que les llibertaes democrátiques foran restauraes tres les eleiciones xenerales, previstes nun principiu pa xineru de 2008. La decisión prodúxose en mediu del procesu del Tribunal Supremu de Paquistán que tenía de decidir sobre la validez de la reeleición de Musharraf pa un nuevu mandatu presidencial de cinco años. Musharraf, axuntóse primeramente colos líderes del Gobiernu p'analizar la situación nel país.[8]
El presidente del Tribunal Supremu de Paquistán, Iftikhar Chaudhry, foi puestu «baxo custodia» nun llugar ensin revelar pocu dempués de la declaración del estáu d'esceición nel país, según fontes xudiciales, xunto con otros ocho maxistraos. Enantes del so arrestu, Chaudhry y los otros ochos maxistraos declararon illegal ya inconstitucional el nuevu orde proclamáu pol réxime de Pervez Musharraf.[8]
El 18 d'agostu de 2008, per aciu d'un mensaxe televisivu, Musharraf anunció'l so abandonu de la presidencia de Paquistán énte'l procesu de destitución empecipiáu pol Gobiernu de Yousaf Raza Gillani y los líderes siguidores de l'asesinada Benazir Bhutto. A otru día, 19 d'agostu, diba votase na Asamblea Nacional el procesu de destitución per violación de la Constitución y la propuesta cuntaba con amplia mayoría parllamentaria pa llegar a términu. Na intervención declaró:
Desgraciadamente, ciertes persones, con intereses personales, llanzaron falses acusaciones na mio contra, engañaron al pueblu. Dempués de consultar colos mios conseyeros llegales y colos mios aliaos políticos y siguiendo el so conseyu, tomé la decisión de dimitir. Voi Unviar güei la mio dimisión al presidente de l'Asamblea Nacional.[9]
Tres la so dimisión, foi asocedíu interinamente por Muhammad Mian Soomro, siendo sustituyíu oficialmente por Asif Ali Zardari, vilbu de Benazir Bhutto.
El fíu de l'asesinada líder del Partíu Popular de Paquistán (PPP), Benazir Bhutto, Bilawal Bhutto, señaló que cola marcha de Musharraf «desanicióse una torga pa la democracia». Bilawal taba destináu a asumir el lideralgu del PPP cuando llegara a la edá de 25 años. La so formación ta comprometida en restituyir nos sos cargos a los maxistraos del Tribunal Supremu espulsaos por Musharraf. Con esta opinión allinióse col so partíu aliáu nel Gobiernu, la Lliga Musulmana-N, que s'amosó partidaria de restaurar «llueu» nos sos cargos a los xueces.
El gubernamental Partíu Popular de Paquistán (PPP), calificó la dimisión del presidente como «una victoria del pueblu ... Finalmente los paquistaninos consiguen llibrase de la dictadura y ye un motivu d'allegría» dixo un voceru de la secretaría d'información, la más importante de les que componen el Gobiernu. La fonte amestó que la salida del ex xeneral traería estabilidá política al país.
La gubernamental Lliga Musulmana-N, liderada pol ex primer ministru Nawaz Sharif, felicitó la dimisión del presidente, y amosóse contraria a da-y inmunidá. «La nuesa posición al respective de concede-y una salida ye clara. Musharraf frayó la Constitución y tien de pagar por ello», esplicó'l secretariu d'información, Ahsan Iqbal.
El ministru paquistaní d'Asuntos Esteriores, Shah Mehmud Qureshi, amosó'l so enfotu en que la dimisión traería «estabilidá política» a Paquistán y dixo:
aconseyáramoslu que lo fixera (dimitir). La democracia y les sos instituciones tienen de fortalecese nesti momentu.
La Lliga Musulmana-Q, formación allegada a Pervez Musharraf, calificó la decisión del presidente paquistaní de dimitir como «digna y elegante» y aseguró que «va fortalecer el sistema democráticu».[10]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
