Pedro Aguirre Cerda
From Wikipedia, the free encyclopedia
Pedro Aguirre Cerda (6 de febreru de 1879, Pocuro (es) – 25 de payares de 1941, Santiagu) foi un políticu, educador y abogáu chilenu.
Miembru del Partíu Radical, tuvo diversos cargos ministeriales, incluyendo'l Ministeriu del Interior mientres el primer gobiernu d'Arturo Alessandri Palma. Sol lema «Gobernar ye educar», Aguirre Cerda foi electu como Presidente de Chile pal periodu ente 1938 y 1944, nuna de les eleiciones más afeches de la hestoria republicana.
Dientro de les principales obres del so gobiernu atopen l'impulsu dau a la educación, la reclamación del Territoriu Chilenu Antárticu, la fundación de la Corporación de Fomentu de la Producción (CORFO) y la creación de la Secretaría Xeneral de Defensa de la Raza y Aprovechamientu de les hores Llibres.[3] El so gobiernu sería'l primeru de los trés Gobiernos Radicales qu'esistiríen nel país hasta 1952.
Popularmente conocíu como "Don Tintu", pola so vinculación a la industria vitivinícola, y como "El Presidente de los probes", una tuberculosis torgó-y terminar el so mandatu, finando a metá d'ésti. Nel so honor, fundóse una base antártica y l'antiguu sector de Ochagavía (al sur de Santiago) dio orixe a un departamentu col so nome y qu'entendía l'actual comuña de Pedro Aguirre Cerda.