actor británicu From Wikipedia, the free encyclopedia
Paul Bettany (27 de mayu de 1971, Shepherd's Bush (es) ) ye un actor de cine, televisión y teatru inglés. Foi candidatu al BAFTA al meyor actor de repartu.[5] y ye conocíu pola so participación en películes como A Beautiful Mind (2001), Master and Commander: The Far Side of the World (2003), Wimbledon (2004), The Da Vinci Code (2006), The Secret Life of Bees (2008) y en Legion (2009) y amás pola so participación en diverses películes del Universu cinematográficu de Marvel.[6]
Paul Bettany![]() | |
---|---|
![]() | |
Vida | |
Nacimientu |
Shepherd's Bush (es) ![]() |
Nacionalidá |
![]() ![]() |
Residencia | Brooklyn |
Llingua materna | inglés |
Familia | |
Padre | Thane Bettany |
Casáu con | Jennifer Connelly (2003 – )[3] |
Fíos/es |
Stellan Bettany Agnes Bettany |
Estudios | |
Estudios |
Drama Centre London (es) ![]() |
Llingües falaes | inglés |
Oficiu | actor, actor de cine, artista caleyeru, realizador, guionista, guitarrista, productor de cine, actor de teatru, actor de voz, direutor de cine |
Premios |
ver
|
Nominaciones |
ver
|
Creencies | |
Relixón | ateísmu[4] |
IMDb | nm0079273 |
![]() |
Les sos películes más esitoses comercialmente fueron Los Vengadores (2012) con mil quinientos millones de dólares a nivel mundial, la secuela Avengers: Age of Ultron (2015) con mil cuatrocientos millones, Iron Man 3 (2013) con mil doscientos millones y The Da Vinci Code con 758 millones de dólares en tol mundu.[7]
Paul Bettany, fíu de Thane Bettany y Anne Kettle, nació nel barriu londinense de Shepherd's Bush, nel senu d'una familia d'actores de teatru.[8] Creció na ciudá d'Hatfield, nel condáu de Hertfordshire, onde'l so padre daba clases nuna escuela. Tien una hermana mayor llamada Sarah y tuvo un hermanu menor llamáu Matthew que morrió nun accidente a los ocho años, en cayendo dende'l techu d'un edificiu. Depués d'esti socesu, los sos padres divorciáronse y él camudóse a vivir solo a Londres, onde foi un músicu caleyeru enantes d'empecipiar los sos estudios nel Drama Centre London en 1990.[8]
Empecipió la so carrera interpretando papeles en televisión y teatru, protagonizando distintes obres na Royal Shakespeare Company. El so debú cinematográficu foi nun pequeñu papel en Bent (1997), xunto a Clive Owen, Ian McKellen y Jude Law. Empezó a tener papeles protagonistes en cintes como Ganster Nº1 (2000) y Kiss Kiss (Bang Bang) (2000) onde coincidió col so gran amigu Stellan Skarsgard, col que más tarde volvería trabayar en Dogville (2003), película del direutor danés Lars Von Trier, creador del llamáu cine dogma, y protagonizada por Nicole Kidman.[6]
La so primer apaición nun ésitu de taquilla foi gracies a Destín de caballeru (2001), xunto a Heath Ledger.[9] Dempués de que la direutora de casting Jane Jenkins contratar pal filme de Ron Howard A Beautiful Mind (2001), protagonizada por Russell Crowe y pola que foi candidatu al Premiu del Sindicatu d'Actores al meyor repartu, volvió coincidir con Crowe en Master and Commander (2003), película que-y valió una candidatura al BAFTA al meyor actor de repartu.[5] Tres l'ésitu d'estes películes, el so nome empezó a sonar con fuercia cuando protagonizó xunto a Kirsten Dunst la comedia Wimbledon (2004), anque la so consagración foi gracies al personaxe de Silas na famosa película The Da Vinci Code, na que compartió cartelu con Tom Hanks y Audrey Tatou, trabayando per segunda vegada a les órdenes de Ron Howard. La cinta recaldó más de 750 millones de dólares nes taquilles de tol mundu.[10]
Dempués d'esti ésitu mundial, intervieno en papeles secundarios. En 2008 estrenó Inkheart, protagonizada por Brendan Fraser y Helen Mirren, y esi mesmu añu participó na película Iron Man dando voz a la intelixencia artificial de Tony Stark J.A.R.V.I.S. Depués participó en The Secret Life of Bees (2008) y en The Young Victoria (2009), na cual compartió cartelu con Emily Blunt. En 2010 estrenó Lexón (2010), ensin demasiao ésitu.[11] Amás, esi mesmu añu volvió como J.A.R.V.I.S. na superproducción Iron Man 2 (2010); el filme foi allabáu pola prensa cinematográfica.[12] Más tarde llegaríen Priest (2011) y The Tourist (2010), al llau de Johnny Depp y Angelina Jolie. Depués volvió como J.A.R.V.I.S. pa la película Los Vengadores (2012) y para Iron Man 3 (2013). Bettany volvió trabayar xunto a Johnny Depp na película de 2014 Transcendence, na que tamién participó Morgan Freeman, y en Mortdecai, co-protagonizada por Depp, Gwyneth Paltrow y Ewan McGregor. En 2015 apaeció na película Legend con Tom Hardy y Emily Browning y na secuela de Los Vengadores, Avengers: Age of Ultron, onde amás de dar voz a J.A.R.V.I.S interpreta físicamente al superhéroe Visión.
Mientres un tiempu tuvo problemes coles drogues, llevándo-y a tener diversos fregaos n'hoteles y aviones, polos cualos decidió poner fin de la so adicción.[13] En A Beautiful Mind (2001) conocería a la qu'anguaño ye la so muyer, la tamién actriz Jennifer Connelly, cola que se casó'l 1 de xineru de 2003, n'Escocia, nuna ceremonia conformada del so círculu d'amigos y familiares más cercanos. Tuvo'l so primer fíu con Connelly n'agostu d'esi mesmu añu, llamáu Stellan, n'honor al so amigu, l'actor Stellan Skarsgard.[14] Amás, ye'l padrastru de Kai, el fíu mayor de Jennifer Connelly, y motivu pol cual viven en Nueva York.[8] El 31 de mayu de 2011 tuvieron el so segundu fíu, una neña llamada Agnes Lark.[15] Bettany, que foi criáu como católicu,[16] ye anguaño atéu.[17]
Añu | Película | Papel | Notes |
---|---|---|---|
1997 | Bent | Capitán | |
Sharpe´s Waterloo | Príncipe William of Orange | ||
1998 | Coming Home | Edward Carey-Lewis | Película de televisión |
Killer Net | Joe Hunter | ||
The Land Girls | Philip | ||
1999 | Every Woman Knows a Secret | Rob | |
After the Rain | Steph | ||
2000 | Kiss Kiss (Bang Bang) | Jimmy | |
The Suicide Club (a.k.a Game of Death) | Shaw | ||
David Copperfield | James Steerforth | Película de televisión | |
Dead Babies | Quentin | ||
Gangster Non. 1 | Mozu Gangster | ||
2001 | A Knight's Tale | Geoffrey Chaucer | |
A Beautiful Mind | Charles Herman | ||
2002 | Euston Road | "Y" | Curtiumetraxe |
The Heart of Me | Rickie | ||
2003 | Master and Commander: The Far Side of the World | Dr. Stephen Maturin | |
The Reckoning | Nicholas | ||
Dogville | Tom Edison | ||
2004 | Wimbledon | Peter Colt | |
2006 | Firewall | Bill Cox | |
The Da Vinci Code | Silas | ||
2008 | Iron Man | J.A.R.V.I.S. | Voz |
The Secret Life of Bees | T. Ray Owens | ||
Inkheart | Dustfinger | ||
Broken Lines | Chester | ||
2009 | The Young Victoria | Lord Melbourne | |
Creation | Charles Darwin | ||
2010 | Legion | Michael | |
Iron Man 2 | J.A.R.V.I.S. | Voz | |
The Tourist | John Acheson | ||
2011 | El sicariu de Dios | Sacerdote | |
Margin Call | Will | ||
2012 | The Avengers | J.A.R.V.I.S. | Voz |
2013 | Iron Man 3 | J.A.R.V.I.S. | Voz |
2014 | Transcendence | Max Waters | |
2015 | Mortdecai | Jock Strapp | |
2015 | Avengers: Age of Ultron | J.A.R.V.I.S./Visión | |
2015 | Legend | Charles Ridchardson | |
2016 | Captain America: Civil War | Visión | |
Añu | Categoría | Película | Resultáu |
---|---|---|---|
2003 | Meyor actor de repartu | Master and Commander: The Far Side of the World | Candidatu |
Añu | Categoría | Película | Resultáu |
---|---|---|---|
2002 | Premiu del Sindicatu d'Actores al meyor repartu | A Beautiful Mind | Candidatu |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.