From Wikipedia, the free encyclopedia
El Partíu Nacional Escocés (gaélicu escocés: Pàrtaidh Nàiseanta na h-Alba, escocés: Scots Naitional Pairtie, inglés: Scottish National Party, SNP), dacuando nomáu equivocadamente como Partíu Nacionalista Escocés, ye un partíu políticu escocés d'ideoloxía nacionalista y socialdemócrata, fundáu en 1934 cola fusión de delles facciones independentistes. Los sos líderes actuales son Alex Salmond (voceru nacional), John Swinney (Primer Ministru d'Escocia), Ian Hudghton (presidente), y Duncan Ross (secretariu nacional). Forma parte de l'Alianza Llibre Europea.
Partíu Nacional Escocés | |
---|---|
Scottish National Party Pàrtaidh Nàiseanta na h-Alba | |
Acrónimu | SNP |
Presidente | John Swinney |
Voceru/a | Angus Robertson |
Fundación | 1934 |
Sede |
Cai McDonald nº 107 Edimburgu, Escocia |
Estáu | Reinu Xuníu |
Afiliaos | 72 186 (16 marzu 2023) |
Ideoloxía política |
Independentismu escocés Nacionalismu Socialdemocracia |
Posición nel espectru | centru izquierda |
Organización de mocedá | Young Scots for Independence |
Afiliación internacional | Alianza Llibre Europea |
Afiliación europea | Alianza Llibre Europea |
Páxina web | www.snp.org |
Dende l'establecimientu del nuevu Parllamentu Escocés en 1999 el SNP foi'l partíu más importante de la oposición, hasta qu'en 2007 algamó la posición de primer partíu d'Escocia, cuando formó gobiernu en minoría y el so líder, Alex Salmond, foi nomáu Primer Ministru d'Escocia. Nes eleiciones de 2011 consiguió la mayoría absoluta del Parllamentu Escocés, con 69 escaños. Depués, en mayu de 2015, nes eleiciones xenerales del Reinu Xuníu de 2015, llogró una apolmonante victoria llogrando 56 de los 59 escaños escoceses na Cámara de los Comunes del Reinu Xuníu. Ello supunxo una xubida espectacular, cuidao qu'en 2010 el SNP solo ganó 6 d'esos 59 escaños.[1] El so partidariu más conocíu a nivel internacional ye l'actor Sean Connery.
Eleiciones al Parllamentu Escocés de 2003 - 23,8 % - 27 escaño * Eleiciones al Parllamentu del Reinu Xuníu de 2005 - 6 escaños, con 412,267 votos (17,7 %) (dos circunscripciones ganaes pol Partíu Llaborista)
Eleiciones al Parllamentu Européu[2][3][4] | |||||
Eleiciones | Votos | % (n'Escocia) |
% (en Reinu Xuníu) |
Escaños | |
---|---|---|---|---|---|
Eleiciones de 1979 | 247.836 | 19,4% | 1,8% | 1 | |
Eleiciones de 1984 | 230.594 | 17,8% | 1,7% | 1 | |
Eleiciones de 1989 | 406.686 | 25,6% | 2,6% | 1 | |
Eleiciones de 1994 | 487.239 | 32,6% | 3,1% | 2 | |
Eleiciones de 1999 | 268.528 | 27,2% | 2,5% | 2 | |
Eleiciones de 2004 | 231.505 | 19,7% | 1,4% | 2 | |
Eleiciones de 2009 | 321.007 | 29,1% | 2,1% | 2 |
Mientres la llexislatura del primer ministru escocés Alex Salmond convocóse un referendu pa l'autodeterminación d'Escocia como nación independiente. Dichu referendu tuvo llugar el 18 de setiembre de 2014, llogrando como resultáu'l non a la independencia. Col 55,42% de los sufraxos en contra y el 44,58% a favor.[5]
De resultes inmediata a los resultaos del referendu, Alex Salmond anunció la so dimisión como primer ministru d'Escocia y líder del partíu.[6]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.