especie de páxaru From Wikipedia, the free encyclopedia
Les especies d'aves con nome común en llingua asturiana márquense como NOA. En casu contrariu, conséñase'l nome científicu.
Pardalotus punctatus | ||
---|---|---|
Estáu de caltenimientu | ||
Esmolición menor (IUCN 3.1)[1] | ||
Clasificación científica | ||
Reinu: | Animalia | |
Filu: | Chordata | |
Clas: | Aves | |
Orde: | Passeriformes | |
Familia: | Pardalotidae | |
Xéneru: | Pardalotus | |
Especie: |
P. punctatus (Shaw y Nodder, 1792) | |
Distribución | ||
Consultes | ||
[editar datos en Wikidata] |
'''Pardalotus punctatus[2] ye una especie d'ave paseriforme de la familia Pardalotidae endémica del sur y este d'Australia, incluyida Tasmania.
El pardalote motudu colos sos ente 8 y 10 cm de llargor ye una de les aves más pequeñes d'Australia. Como indica tanto'l so nome común como'l científicu tien el plumaxe de les sos partes cimeros motudes en blancu y negru, ente que nes inferiores predominen los tonos ablancazaos. La so zona perianal ye de color mariellu intensu, y tamién son amarellentaos los sos lladrales. Los llaterales de la so cabeza'l pescuezu y llombu tán densamente motudos en blancu y negru lo que-y da un aspeutu gris de lloñe, ente que les sos ales, pileu y curtia cola son principalmente negres con llixos blancos nel estremu de les sos plumes. El so obispillo ye coloráu y presenta una ancha llista supercilar blanca. Los machos tienen amás el gargüelu y la parte cimera del pechu mariellos, el motudu del so mantu y cabeza ta más oldeáu y presenta una llista acoloratada alredor de la mancha mariella de la zona perianal. El so picu ye curtiu y negru y les sos pates abuxaes.
Como los demás pardalotes suel añerar en túneles escavados en turries.
Anque ye una ave inda abondosa'l so númberu paez tar en cayente, especialmente alredor de les árees urbanes,[3] pero non lo suficiente como pa consideralo una especie amenazada.[1]
Describióse científicamente polos naturalistes ingleses George Shaw y Frederick Polydore Nodder en 1792. Reconócense les siguientes subespecies:[4]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.