From Wikipedia, the free encyclopedia
Oscar Emmanuel Peterson (15 d'agostu de 1925, Montreal – 23 d'avientu de 2007, Mississauga) foi un pianista canadianu de jazz y compositor. Foi llamáu'l "Maharaja del tecláu" por Duke Ellington, y, polo tanto, yera un miembru de la realeza del jazz. Fizo más de 200 grabaciones, ganó siete premios Grammy, y recibió otros numberosos premios y honores nel cursu de la so carrera. Considérase que foi unu de los más grandes pianistas de tolos tiempos, tocando p'audiencies de tol mundu nuna carrera que duró más de 60 años.
Esti artículu o seición necesita un ameyoramientu no que cinca a la redaición, la gramática o la ortografía. |
Oscar Peterson | |
---|---|
Vida | |
Nacimientu | Montreal[1], 15 d'agostu de 1925[2] |
Nacionalidá | Canadá [3] |
Residencia | Montreal |
Muerte | Mississauga, 23 d'avientu de 2007[4] (82 años) |
Sepultura | Erindale (en) |
Causa de la muerte | insuficiencia renal |
Familia | |
Hermanos/es | Daisy Sweeney |
Estudios | |
Estudios |
Real Conservatorio de Música (es) High School of Montreal (en) |
Llingües falaes | inglés |
Alumnu de |
Paul de Marky Lou Hooper Johnny Holmes Daisy Sweeney |
Oficiu | pianista de jazz (es) , líder de banda, compositor, musicólogu, actor |
Premios |
ver
|
Nominaciones |
ver
|
Miembru de |
The Oscar Peterson Trio Roy Eldridge Quartet The Milt Jackson Big 4 The Ben Webster Quintet |
Xéneru artísticu |
Jazz Bebop Hard bop (es) Third stream (es) blues Funk |
Instrumentu musical |
pianu voz instrumentu de percusión |
Discográfica |
Verve Records (es) Mercury Records Pablo Telarc International Corporation (es) MPS Records (es) |
IMDb | nm0677328 |
oscarpeterson.com | |
Oscar Peterson medró nel barriu de Little Burgundy, de Montreal. Foi nesti barriu predominantemente negru onde se topó arrodiáu pola cultura del jazz que surdió nos entamos del sieglu XX. A los cinco años, Peterson entamó a perfeccionar les sos habilidaes cola trompeta y el pianu. Pero una tuberculosis que sufrió a los siete años llevólu a empobinar la so atención definitivamente al pianu. So padre, Daniel Peterson, un trompetista y pianista aficionáu, foi unu de los sos primeros profesores de música, y la so hermana, Daisy, enseñólu a tocar el pianu clásicu. El mozu Oscar foi persistente na práutica de les escales y gracies a esa xera desarrolló su asombrosu virtuosismu.
Como un neñu, Peterson tamién estudió con Paul de Marky, un alumno de Franz Liszt, polo que la so formación básase principalmente nel pianu clásicu de la escuela. Mientres tanto, foi cautiváu pol jazz tradicional y aprendió delles ragtimes y, en particular, el boogie-woogie. Nesa dómina Oscar Peterson, yera llamáu "el bombarderu negru del Boogie-Woogie".
A los nueve años tocaba'l pianu de forma tal qu'impresionó a los músicos profesionales. Durante munchos años los sos estudios de piano incluyíen ente cuatro a seis hores de práutica diaria. En 1940, a los 14 años Oscar Peterson ganó la competición nacional de música qu'entamaba la Canadian Broadcasting Corporation. Darréu d'esa victoria abandonó la escuela y convirtióse nun pianista profesional tocando nun programa selmanal de radio, asina como n'hoteles y sales de música.
Dellos de los artistas qu'influyeron n'Oscar Peterson durante los primeros años fueron Teddy Wilson, Nat "King" Cole, James P. Johnson y el lexendariu Art Tatum , al que munchos trataron de comparar n'años posteriores. Una de les sos primeres exposiciones al talentu musical d'Art Tatum llegó na so adolescencia cuando so padre-y tocó Tiger Rag pa él, y Peterson quedó tan impresionáu polo qu'oyó, que se desilusionó muncho no tocante a la so propia capacidá y dominiu del instrumentu. Tatum foi un modelu musical pa Peterson durante los años 40 y 50. Tatum y Peterson llegaron a convertise en buenos amigos, aunque Peterson foi siempre reserváu a la hora de ser comparáu con Tatum, y yera raro que tocara'l pianu en presencia de Tatum.
Durante los años 1960 y 1970 Oscar Peterson fizo una buena riestra de grabaciones en solitario que ponen de manifiestu'l so estilu eclécticu influenciáu por dellos xéneros de jazz, música clásica y popular. Tamién fizo bayurosas presentaciones col guitarrista Joe Pass.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.