Normalización
From Wikipedia, the free encyclopedia
La normalización (tamién denomada estandarización)[1][2][3][4] ye'l procesu d'ellaborar, aplicar y ameyorar les normes que s'apliquen a distintes actividaes científiques, industriales o económiques, col fin d'ordenar y ameyorales. Pela so parte, l'asociación d'Estaos Xuníos pa pruebes de materiales (ASTM), define la estandarización como'l procesu de formular y aplicar regles, pa un aproximamientu ordenáu a una actividá específica, pal beneficiu y cola cooperación de tolos arreyaos.
Según la ISO (International Organization for Standarization), la normalización ye l'actividá que tien por oxetu establecer, ante problemes reales o potenciales, disposiciones destinaes a usos comunes y repitíos, col fin de llograr un nivel d'ordenamientu óptimo nun contestu dau, que puede ser teunolóxicu, políticu, o económicu.