película de 1979 dirixida por Martin Ritt From Wikipedia, the free encyclopedia
Norma Rae ye una película de 1979 que cunta la historia d'una muyer d'una pequeña ciudá de los Estaos Xuníos que se ve envolubrada nes actividaes del sindicatu de la empresa testil na que trabaya. La película foi escrita por Harriet Frank Jr. y Irving Ravetch, y dirixida por Martin Ritt, basada na auténtica historia de Crystal Lee Sutton.
La película ganó los Oscars a la meyor actriz (Sally Field) y al meyor cantar (David Shire y Norman Gimbel por It Goes Like It Goes). Tamién foi nomáu nos apartaos de meyor película y meyor guión adautáu.
Norma Rae (Sally Field) ye una madre que vive colos sos padres y trabaya, al igual qu'ellos, na fábrica testil del pueblu. Les condiciones de trabayu de los trabayadores de la fábrica son bien males, polo qu'un sindicalista de Nueva York, Ruben Warshosky (Ron Leibman), allega a la fábrica pa convencer a los trabayadores alrodiu de la importancia de crear un comité d'empresa na fábrica. Norma Rae va ser quien más confíe nél, y empieza a lluchar polos derechos llaborales, lo que ye non yá xusto, sinón, amás, posible y necesariu. Con munches dificultaes y cola ayuda de Ruben llogra fundar na fábrica un sindicatu y, con ello, atopa un sentíu a la so vida, hasta entós vulgar y hasta despreciable.
Actor | Personaxe |
---|---|
Sally Field | Norma Rae Webster |
Beau Bridges | Sonny |
Ron Leibman | Reuben |
Pat Hingle | Vernon |
Barbara Baxley | Lleona |
Gail Strickland | Bonnie Mae |
Morgan Paull | Wayne Billings |
Noble Willingham | Leroy Mason |
Con Norma Rae, el direutor Martin Ritt filma una de les películes más emblemátiques de los últimos años sobre la cuestión sindical.
Categoría | Persona | Resultáu |
---|---|---|
Meyor Película | Candidata | |
Meyor Actriz | Sally Field | Ganadora |
Meyor Guión Adautáu | Irving Ravetch y Harriet Frank Jr. | Candidatos |
Meyor Cantar | David Shire y Norman Gimbel | Ganador |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.