Non heterosexual
From Wikipedia, the free encyclopedia
«Non heterosexual» ye un términu ampliu qu'inclúi a homosexuales, bisexuales, asexuales y a toes aquelles persones que la so orientación sexual ya identidá nun ye heterosexual.[1][2] El términu ayuda a definir el conceutu de qué ye la norma y cómo un grupu particular ye distintu de la norma.[3]
Non heterosexual ye un términu emplegáu nos campos d'estudios de xéneru, feministes y na lliteratura académica xeneral pa estremar ente les identidaes sexuales escoyíes, prescrites y a cencielles supuestes, con distinta comprensión sobre les implicaciones de diches identidaes sexuales.[4][5][6][7] El términu ye similar al de queer, anque políticamente menos cargáu y más clínicu; queer xeneralmente refierse a ser non-normativu y non-heterosexual.[8][9][10] Dalgunos ven el términu como contenciosu y peyorativu yá que "etiqueta a la xente en contra de la norma percibida de la heterosexualidá, reforzando asina la heteronormatividad".[11][12] Otros señalen que non-heterosexual ye l'únicu términu útil pa caltener la coherencia na investigación, y suxuren que "sorraya les faltes del nuesu llinguaxe rellacionáu cola identidá sexual"; por casu, el so usu puede dexar el borráu bisexual.[13]