![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/9/9a/Giantkelp2_300.jpg/640px-Giantkelp2_300.jpg&w=640&q=50)
Neumatocistu
From Wikipedia, the free encyclopedia
Neumatocistu (del griegu clásicu πνεῦμᾰ, pneûma; aire + κύστις, kystis; vesícula), dacuando referíu como aerocistu, ye'l nome col que se conoz a la estructura constituyida por una vesícula de material parenquimatoso, enllena d'aire o otros gases, destinada a aumentar la flotación d'un organismu. La presencia d'eses estructures ye común en macroalgues y en pexes (recibiendo en tal casu'l nome de vexiga natatoria). Nes algues pardes, estes visícules alcuéntrense nos filoides, y tienen una particular importancia, pues dexen caltener a les algues llexando (n'especies holopeláxques pleustóniques como les pertenecientes al xéneru Sargassum) o caltener les frondes ereutes demientres el merguyu, cuando tán fixes al sustratu, como asocede nel casu de delles especies del xéneru Fucus.
![Thumb image](http://upload.wikimedia.org/wikipedia/commons/thumb/9/9a/Giantkelp2_300.jpg/640px-Giantkelp2_300.jpg)
![Thumb image](http://upload.wikimedia.org/wikipedia/commons/thumb/d/d5/Algae_bladder_4290.jpg/640px-Algae_bladder_4290.jpg)
Cada organismu tien, polo xeneral, múltiples d'estes estructures, qu'apurren la flotabilidá necesaria para caltener a les frondes llexando o empobinaes en direición a la superficie, según sía'l casu, dexando que se caltengan na zona onde la radiación solar ye más intensa o que permanezan nuna posición que minimice l'asombramientu mutuu de les frondes.
La composición del gas calteníu nos neumatocistos varia d'alcuerdu al estáu fisiolóxicu del alga y cola presión parcial de los diversos gases nel ambiente circundante. Los neumatocistos pueden contener O2, CO2, N2 y CO.[1]