atleta bielorrusa From Wikipedia, the free encyclopedia
Nadzeya Ostapchuk (28 d'ochobre de 1980, Vialikija Arly (en) ) ye una atleta bielorrusa de llanzamientu de pesu. Mientres la so carrera deportiva ostentó una medaya de bronce nos Xuegos Olímpicos; y los títulos de campeona mundial tantu en pista cubierta como a cielu abiertu, dambos llograos nel 2005 y 2010, respeutivamente.
Nadzeya Ostapchuk![]() | |||||||||||||||
---|---|---|---|---|---|---|---|---|---|---|---|---|---|---|---|
![]() | |||||||||||||||
Vida | |||||||||||||||
Nacimientu |
Vialikija Arly (en) ![]() | ||||||||||||||
Nacionalidá |
![]() | ||||||||||||||
Oficiu | |||||||||||||||
Oficiu | atleta | ||||||||||||||
| |||||||||||||||
Pesu | 95 kg | ||||||||||||||
Altor | 180 cm | ||||||||||||||
![]() |
Nos Xuegos Olímpicos de Londres 2012 foi desaposiada de la medaya d'oru en dando positivu a un exame antidopaxe.
Empecipió la so práutica del deporte col baloncestu, y camudó la so preferencia pol atletismu a los quince años. Tres una notable participación nel llanzamientu de pesu mientres una competencia rexonal, foi convidada a ameyorar el so potencial na ciudá de Brest. Baxu tutelar de Valery Oksenchuk ganó una medaya d'oru nel Campeonatu Mundial Junior d'Atletismu de 1998. Darréu entrenó con Alexander Efimov, un especialista na prueba.
Pal añu 2001 ganó la so primer medaya a nivel mayor nel Campeonatu Mundial d'Atletismu en Pista Cubierta, con una presea de plata (19,24 m). Tamién foi segundu llugar nel Campeonatu Mundial d'Atletismu de 2003 (20,12 m), y otra vegada en pista cubierta (20,31 m), esa mesma temporada. El siguiente añu participó nos Xuegos Olímpicos d'Atenes, llogrando la cuarta posición (19,01 m). Pa 2005, algamó'l so primer títulu mundial n'Helsinki (20,51 m).
El 2008 llogró un segundu llugar en pista cubierta (19,74 m), y medaya de bronce nos Xuegos Olímpicos de Beixín (19,86 m). Nadzeya conquistó'l so primera presea dorada en pista cubierta en Doha 2010, y esi mesmu añu'l primer llugar na Lliga de Diamante. El 2011, nuevamente percancióse una medaya de plata nel Campeonatu Mundial de Daegu, con una marca de 20,05 m, per debaxo de Valerie Adams (21,24 m).[2][3]
El 2012, n'Istambul, nun llogró revalidar el so títulu en pista cubierta y colgóse la so cuarta medaya de plata nel eventu con rexistru de 20,42 m, siendo Valerie Adams la ganadora (20,54 m).[4] Esi mesmu añu Nadzeya allegó per tercer vegada a los Xuegos Olímpicos, realizaos en Londres, y nuevamente tuvo d'enfrentar a la neozelandesa, la favorita del eventu.
Na final, Adams realizó un llanzamientu de 20,01 m na primer ronda que paecía abonda pal trunfu, pero la bielorrusa respondió con marques de 21,31 m y 21,36 m na segunda y tercer ronda; esta postrera foi abonda p'axudicase'l so primera presea dorada en Xuegos Olímpicos.
Precisamente, ella espresó: «Toi feliz. Son los mios terceros Xuegos Olímpicos, y percorrí un llargu camín pa llograr esta medaya d'oru. El mio entrenador díxome que diera lo meyor de mi porque les otres competidores yeren bien fuertes y podíen lluchar hasta'l final».[5]
Sicasí, terminada la competencia Nadzeya falló les pruebes de antidopaxe a les que foi sometida. Les muestres de l'atleta fueron tomaes un día antes del 5 d'agostu y otra esi mesmu día; y dambes indicaron la presencia de metenolona, un tipu de anabolizante estimulante de la síntesis proteico y recoyío na llista prohibida del 2012. Por tanto, y ante l'encamientu de la comisión disciplinaria, el Comité Olímpicu Internacional (COI) decidió retirar la medaya a la bielorrusa, polo que Valerie Adams proclamóse como la nueva campeona olímpica de Londres, ente que'l segundu puestu correspondía a Evgenia Kolodko y el terceru a Gong Lijiao.[6][7]
Nel mes de setiembre l'Axencia Antidopaxe Bielorrusa decidió suspender a l'atleta per un añu; anque tamién se supo que'l so entrenador Alexander Yefimov punxo deliberadamente la sustancia na comida de Opstapchuk por cuenta de la so esmolición polos mediocres resultaos antes de Londres. Yefimov foi sancionáu con cuatro años de suspensión.[8]Amás, l'Asociación Internacional de Federaciones d'Atletismu decidió retira-y la medaya dorada de Helsinki 2005,[9]y d'igual forma impúnxo-y una suspensión de cuatro años.[10]
Otros llogros fueron los trés títulos del IAAF World Athletics Final (2004, 2005 y 2007). Les sos meyores marques personales son de 21,58 m (Minsk, 2012)[11] y 21,70 m en pista cubierta (Maguilov, 2010)
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.